LIVE TV
കൊച്ചി: ടാറ്റ ഗ്രൂപ്പ് കേരളത്തില് നിക്ഷേപം നടത്താന് സന്നദ്ധത അറിയിച്ചെന്നുള്ള മുഖ്യമന്ത്രിയുടെ അവകാശ വാദത്തില് വിമര്ശനവുമായി മുന് മന്ത്രിയും സിപിഐഎം നേതാവുമായ പി രാജീവ്. അപേക്ഷ കൊടുത്ത് ടാറ്റ ഗ്രൂപ്പ് നിക്ഷേപം നടത്താന് തയ്യാറാണെന്ന് പറയുന്നത് ആദ്യമായിരിക്കുമെന്ന് പി രാജീവ് പറഞ്ഞു. മുഖ്യമന്ത്രി പറഞ്ഞതുപോലെ ടാറ്റ ഗ്രൂപ്പ് നിക്ഷേപം നടത്തുന്നുവെങ്കില് സ്വാഗതം ചെയ്യുന്നു. മുഖ്യമന്ത്രിയുടെ ഒരു പത്രസമ്മേളനത്തെ തുടര്ന്ന് കെഎസ്യു പ്രസിഡന്റ് മുതല് ടാറ്റയ്ക്ക് വരെ നിഷേധക്കുറിപ്പ് ഇറക്കേണ്ടി വരുന്നു. ഇത് നാടിനെ കുറിച്ച് മോശം ചിത്രം നല്കുമെന്നും പി രാജീവ് പറഞ്ഞു. റിപ്പോര്ട്ടറോടായിരുന്നു പി രാജീവിന്റെ പ്രതികരണം.
ആര്ട്സണ് എന്ജിനീയറിങ് ലിമിറ്റഡും മലബാര് സിമന്റ്സും ചേര്ന്ന് എല്ഡിഎഫ് സര്ക്കാര്കാലത്ത് കരാര് ഉണ്ടാക്കിയിരുന്നു. ഈ കരാറിനെ കുറിച്ച് മുഖ്യമന്ത്രിയെ ആരെങ്കിലും തെറ്റിദ്ധരിപ്പിച്ചതാകാം. അന്ന് ടാറ്റാ ഗ്രൂപ്പ് ചെയര്മാനെ കാണാന് അങ്ങോട്ട് പോയിരുന്നു. ഇന്ന് ഇങ്ങോട്ട് വരുന്നുവെങ്കില് നല്ലതുതന്നെയാണെന്നും പി രാജീവ് പറഞ്ഞു.
വഖഫ് വിഷയത്തിലും പി രാജീവ് പ്രതികരിച്ചു. വഖഫ് നിയമം സെക്ഷന് 14ന് എതിരെ സര്ക്കാര് സുപ്രീംകോടതിയില് സമര്പ്പിച്ച നിലപാടിന് ഘടക വിരുദ്ധമാണ് ഹൈക്കോടതിയില് ഇപ്പോള് നല്കിയ അഫിഡവിറ്റ് എന്ന് പി രാജീവ് പറഞ്ഞു. ഇടത് സര്ക്കാര് സെക്ഷന് 14നെതിരെ ശക്തമായ നിലപാട് സുപ്രീംകോടതിയിലെടുത്തു. സംസ്ഥാന സര്ക്കാറിന് ഇനി ആ വാദം സുപ്രീംകോടതിയില് പറയാന് കഴിയില്ല. ആ കേസ് തന്നെ റദ്ദ് ചെയ്യുന്ന നിലപാടാണ് സംസ്ഥാന സര്ക്കാര് ഹൈക്കോടതിയില് സമര്പ്പിച്ചത്. വഖഫ് ബോര്ഡില് രണ്ട് അമുസ്ലിങ്ങള് എന്നത് മാത്രമാണ് പുതിയ നിയമത്തില് നിഷ്കര്ഷിക്കുന്നത്. എന്നാല് മറ്റ് നോമിനേറ്റഡ് അംഗങ്ങള് മുസ്ലിങ്ങള് ആകണം എന്ന് നിഷ്കര്ഷിക്കുന്നില്ല. അങ്ങനെ വന്നാല് ബോര്ഡില് മുസ്ലിങ്ങള് ന്യൂനപക്ഷം അയേക്കാം. ഇതാണ് ഇടത് സര്ക്കാര് സുപ്രീംകോടതിയില് വാദിച്ചത്. വഖഫ് മന്ത്രിയുടെ അറിവോടെയാണ് സര്ക്കാര് ഹൈക്കോടതിയില് അഫിഡവിറ്റ് സമര്പ്പിച്ചത്. മുസ്ലിം ലീഗ് സുപ്രീംകോടതിയിലെടുത്ത നിലപാടിന് വിരുദ്ധമാണ് ഹൈക്കോടതിയില് സമര്പ്പിച്ച അഫിഡവിറ്റെന്നും പി രാജീവ് പ്രതികരിച്ചു.
Content Highlights- Minister P. Rajeev criticised Opposition Leader V. D. Satheesan over his remarks on Tata Group's investment plans
