LIVE TV
ആലപ്പുഴ: കുട്ടനാട്ടിൽ കോൺഗ്രസ് വിമതൻ മത്സരിക്കും. ഡിസിസി വൈസ് പ്രസിഡന്റ് സജി ജോസഫ് ആണ് മത്സരത്തിനിറങ്ങുന്നത്. സീറ്റ് കേരള കോൺഗ്രസ് ജോസഫിൽ നിന്ന് ഏറ്റെടുക്കാത്തതിൽ പ്രതിഷേധിച്ച് ആണ് നീക്കം. കുട്ടനാട്ടിൽ പെയ്മെന്റ് സീറ്റ് ആരോപണവും ഉയർന്നിരുന്നു.
പാർട്ടിയിൽ നിന്ന് രാജിവെക്കുന്നതായി ഡിസിസി വൈസ് പ്രസിഡന്റ് സജി ജോസഫ് അറിയിച്ചു. സീറ്റ് ഏറ്റെടുക്കുമെന്ന് നേതൃത്വം ഉറപ്പു നൽകിയിരുന്നുവെന്നും തനിക്കൊപ്പം 50 ഓളം പേർ രാജിവെയ്ക്കും എന്നും സജി പറഞ്ഞു. ഡിസിസി ജനറൽ സെക്രട്ടറി കെ ഗോപകുമാറും രാജിവച്ചു. വാർത്താ സമ്മേളനം നടത്തി സജി ജോസഫ് ഔദ്യോഗിക പ്രഖ്യാപനം നടത്തി. കൊടിക്കുന്നിൽ സുരേഷ് വിഭാഗത്തിൽപ്പെട്ട ആളാണ് സജി ജോസഫ്.
കുട്ടനാട്ടിൽ കേരള കോൺഗ്രസ് ജോസഫ് പ്രതിനിധി റെജി ചെറിയാനാണ് സ്ഥാനാർത്ഥി. കുട്ടനാട്ടില് വലിയ ജനസമ്മതിയുള്ള നേതാവാണ് റെജി ചെറിയാന്. കഴിഞ്ഞ നിയമസഭാ തെരഞ്ഞെടുപ്പില് ചെറിയ ഭൂരിപക്ഷത്തിനായിരുന്നു യുഡിഎഫിന് കുട്ടനാട് സീറ്റ് നഷ്ടമായത്. ഇത്തവണ ആ സീറ്റ് റെജി ചെറിയാനിലൂടെ തിരിച്ചുപിടിക്കാനാകുമെന്നാണ് കേരള കോൺഗ്രസ് ജോസഫ് വിഭാഗം കണക്ക് കൂട്ടുന്നത്.
എന്നാൽ അമ്പലപ്പുഴയിൽ ജി സുധാകരനെ യുഡിഎഫ് പിന്തുണ നൽകിയതിൽ പ്രതിഷേധിച്ച്
യൂത്ത് കോൺഗ്രസ് അമ്പലപ്പുഴ മണ്ഡലം സെക്രട്ടറി ഷാനു ഭൂട്ടോ സ്വതന്ത്ര സ്ഥാനാർത്ഥിയായി മത്സരിക്കും. ഉടൻ നാമനിർദ്ദേശ പത്രിക കൊടുക്കുമെന്ന് ഷാനു ഭൂട്ടോ. മണ്ഡലത്തിൽ കോൺഗ്രസ് സ്ഥാനാർത്ഥിയെ മത്സരിപ്പിക്കാത്തതിൽ പ്രതിഷേധിച്ച് ആണ് നീക്കം.
Content Highlight : DCC Vice President Saji Joseph to Contest as Rebel in Kuttanad. Allegations of paid seats were also raised in Kuttanad.
