LIVE TV
കോഴിക്കോട്: ദേശീയപാത66ൻ്റെ ഉദ്ഘാടനവുമായി ബന്ധപ്പെട്ട വിവാദത്തിന് പിന്നാലെ ബദൽ ഉദ്ഘാടനവുമായി സിപിഐഎം. പ്രധാനമന്ത്രി നരേന്ദ്ര മോദി പങ്കെടുക്കുന്ന ദേശീയപാത 66ൻ്റെ ഉദ്ഘാടന പരിപാടിയിൽ പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസിനെ ഒഴിവാക്കിയതിന് പിന്നാലെയാണ് പ്രതിഷേധമായി ബദൽ ഉദ്ഘാടനം സംഘടിപ്പിച്ചത്.
എൻഎച്ച് 66 തലപ്പാടി- ചെങ്കള, വെങ്ങളം- രാമനാട്ടുകര ആറ് വരിപ്പാതയുടെ ഉദ്ഘാടന ചടങ്ങിൽ നിന്നാണ് മന്ത്രിയെ ഒഴിവാക്കിയത്. മന്ത്രിയെ ഒഴിവാക്കിയതിന് പിന്നാലെ പരിപാടി ബഹിഷ്കരിക്കാനാണ് സംസ്ഥാന സർക്കാരിൻ്റെ തീരുമാനം. മുഖ്യമന്ത്രി പിണറായി വിജയനും മറ്റ് മന്ത്രിമാരും ചടങ്ങ് ബഹിഷ്കരിക്കും.
തലപ്പാടി- ചെങ്കള റീച്ചിൻ്റെ സമാന്തര ഉദ്ഘാടനം സി എച്ച് കുഞ്ഞമ്പു എംഎൽഎ നിർവ്വഹിച്ചു. കോഴിക്കോട് വെങ്ങളത്തും സമാന്തര ഉദ്ഘാടന പരിപാടി ഉണ്ടാകുമെന്നാണ് വിവരം. ഉച്ചയ്ക്ക് 12 മണിക്ക് മന്ത്രി പി എ മുഹമ്മദ് റിയാസിന്റെ നേതൃത്വത്തിൽ രാമനാട്ടുകര മുതൽ വെങ്ങളം വരെ ദേശീയപാതയിൽ റോഡ് ഷോ സംഘടിപ്പിക്കും. എംഎൽഎമാരും ഇതിൽ പങ്കെടുക്കും.
കേന്ദ്രമന്ത്രിമാരായ നിതിന് ഗഡ്കരി, ഹര്ദീപ് സിങ് പുരി, പ്രഹ്ളാദ് വെങ്കടേഷ് ജോഷി, അശ്വിനി വൈഷ്ണവ്, ശിവരാജ് സിങ് ചൗഹാന്, അജയ് തംത, ഹര്ഷ് മല്ഹോത്ര, കമലേഷ് പസ്വാന്, ഡോ. ചന്ദ്രശേഖര് പൈമ്മസാനി, സുരേഷ് ഗോപി, ശ്രീപാദ് യെസ്സോ നായിക്, വി സോമണ്ണ, രവ്നീത് സിംഗ്, ജോര്ജ് കുര്യന് എന്നിവരും സംസ്ഥാന ഗവര്ണര് രാജേന്ദ്ര വിശ്വനാഥ് ആര്ലേക്കര്, മുഖ്യമന്ത്രി പിണറായി വിജയന്, മന്ത്രിമാരായ കെ കൃഷ്ണന്കുട്ടി, എം ബി രാജേഷ് എന്നിവര്ക്കാണ് പ്രധാനമന്ത്രിയുടെ പരിപാടിയിലേക്ക് ക്ഷണമുള്ളത്. എംപിമാരായ ബെന്നി ബെഹനാന്, ഹൈബി ഈഡന്, ഉമ തോമസ് എംഎല്എ എന്നിവര്ക്കും കൊച്ചിയില് വെച്ച് നടക്കുന്ന പരിപാടിയിലേക്ക് ക്ഷണമുണ്ട്. മുന് കേന്ദ്രസഹമന്ത്രി എന്ന പേരില് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിനെ പരിപാടിയില് ഉള്പ്പെടുത്തിയിട്ടുണ്ട്. എന്നാല് സംസ്ഥാനത്തെ പൊതുമരാമത്ത് വകുപ്പ് കൈകാര്യം ചെയ്യുന്ന, ദേശീയപാത നിര്മാണത്തില് നിര്ണായക പങ്കുവഹിച്ച മന്ത്രി മുഹമ്മദ് റിയാസിനെ പരിപാടിയില് ഉള്പ്പെടുത്തിയിട്ടില്ല. പൊതുമരാമത്ത് വകുപ്പാണ് ദേശീയപാത നിര്മാണത്തിന്റെ നോഡല് ഏജന്സി എന്നിരിക്കെയാണ് മന്ത്രിയെ പരിപാടിയില്നിന്ന് മാറ്റിനിര്ത്തിയതെന്ന് വിമര്ശനമുയര്ന്നു. സംഭവത്തിൽ പ്രതിഷേധം രേഖപ്പെടുത്തി മന്ത്രി മുഹമ്മദ് റിയാസും രംഗത്തെത്തിയിരുന്നു.
Content Highlights: Following the controversy surrounding the inauguration of National Highway 66, an alternative inauguration conducted
