Get the latest news at
your fingertips!
Download our app now
LIVE TV
Search
തിരുവനന്തപുരം: ശബരിമല സ്വര്ണക്കൊള്ള കേസില് മുന് ദേവസ്വം വകുപ്പ് മന്ത്രി കടകംപള്ളി സുരേന്ദ്രന് കുരുക്കായി ഉണ്ണികൃഷ്ണന് പോറ്റിക്കൊപ്പമുള്ള മറ്റൊരു ചിത്രം കൂടി. കടകംപള്ളി സുരേന്ദ്രന് ഉണ്ണികൃഷ്ണന് പോറ്റിയുടെ വീട്ടില് രണ്ടാമത് എത്തിയപ്പോള് പകര്ത്തിയ ചിത്രം റിപ്പോർട്ടറിന് ലഭിച്ചു.
ഡിഗ്രിക്ക് റാങ്ക് ലഭിച്ച പോറ്റിയുടെ അമ്മാവന്റെ മകള്ക്ക് കടകംപള്ളി സുരേന്ദ്രന് ഉപഹാരം നല്കുന്നതാണ് ചിത്രം. അതേസമയം മന്ത്രി എന്താനാണ് എത്തിയതെന്ന കാര്യത്തില് വ്യക്തതയില്ല. മന്ത്രി എത്തിയപ്പോള് പുളിമാത്തെ വീട്ടിലേയ്ക്ക് പോറ്റി മകളെ വിളിച്ചതാണെന്ന് അമ്മാവന് വെങ്കിടേശ്വരന് പോറ്റി സ്ഥിരീകരിച്ചു.
പോറ്റിയുടെ വീട്ടില് കടകംപള്ളി മറ്റൊരു ദിവസം എത്തിയതിന്റെ ചിത്രം റിപ്പോര്ട്ടര് നേരത്തേ പുറത്തുവിട്ടിരുന്നു. അന്ന് കടകംപള്ളിക്ക് ഒപ്പം റാന്നി മുന് എംഎല്എയും നിലവിലെ സിപിഐഎം പത്തനംതിട്ട ജില്ലാ സെക്രട്ടറിയുമായ രാജു എബ്രഹാമും ഉണ്ടായിരുന്നു. ഉണ്ണികൃഷ്ണന് പോറ്റിക്കും കുടുംബാംഗങ്ങള്ക്കുമൊപ്പം കടകംപള്ളി സുരേന്ദ്രനും രാജു എബ്രഹാമും നില്ക്കുന്നതായിരുന്നു ഒരു ചിത്രം. ഉണ്ണികൃഷ്ണന് പോറ്റിയുടെ അച്ഛന് കടകംപള്ളി സുരേന്ദ്രന് സമ്മാനം നല്കുന്ന മറ്റൊരു ചിത്രവും പുറത്തുവന്നിരുന്നു.
Content Highlights- A photo reportedly showing Kadakampally Surendran during a second visit to Unnikrishnan Poti’s house has surfaced, leading to renewed political controversy
