LIVE TV
ഏഷ്യൻ ഗെയിംസ് 2026 ന്റെ ഉദ്ഘാടന ദിവസം ഇന്ത്യയ്ക്ക് നിരാശ. വനിതാ സിംഗിൾസ് ടെക്ബോൾ സെമിഫൈനലിൽ ഇന്ത്യയുടെ ക്വുംസി ജോക്വം ഡിസൂസ ഇന്തോനേഷ്യയുടെ ഇമാ സുമയയോട് പരാജയപ്പെട്ടു.
ആദ്യ സെറ്റ് 12-7 ന് സ്വന്തമാക്കിയതിന് ശേഷമായിരുന്നു തോൽവി. ആദ്യ സെറ്റ് ജയിച്ചെങ്കിലും രണ്ടാം സെറ്റ് 12-9 ന് സ്വന്തമാക്കി ഇന്തോനേഷ്യൻ എതിരാളി മറുപടി നൽകി.
മൂന്നാം സെറ്റിൽ 24 കാരിയായ ഇന്ത്യൻ താരം 3-0 ന് മുന്നിലെത്തിയെങ്കിലും പക്ഷേ സുമയ തിരിച്ചുവന്ന് 12-7 എന്ന സ്കോറോടെ വിജയം തട്ടിയെടുത്തു.
ഇതോടെ ഫൈനലിലെത്താനുള്ള ക്വിംസിയുടെ സ്വപ്നം അവസാനിച്ചു. പക്ഷേ മെഡൽ പ്രതീക്ഷ ഇപ്പോഴും സജീവമാണ്. ഞായറാഴ്ച ജപ്പാന്റെ യിയുന സകാമോട്ടോയ്ക്കെതിരെ വെങ്കല മെഡലിനായി ഇന്ത്യൻ താരം പോരാടും. ജയിച്ചാല്, ടെക്ബോളില് ഇന്ത്യയുടെ ആദ്യ മെഡല് നേട്ടമായി മാറും ഇത്.
content highlights: asian games 2026 quimcy dsouza loses teqball semi final eyes bronze medal
