LIVE TV
കോമൺവെൽത്ത് ഗെയിംസ് 2026 ൽ ഇന്ത്യ മെഡൽ അക്കൗണ്ട് തുറന്നു. വെള്ളിയാഴ്ച ഗ്ലാസ്ഗോയിലെ എസ്ഇസി അർമാഡില്ലോയിൽ നടന്ന പുരുഷന്മാരുടെ ഹെവിവെയ്റ്റ് പാരാ പവർലിഫ്റ്റിംഗിൽ ജണ്ഡു കുമാർ വെങ്കല മെഡൽ നേടി.
മൂന്നാം ദിനമായ ഇന്ന് ഇടിക്കൂട്ടിലാണ് ഇന്ത്യൻ പ്രതീക്ഷ. ആറ് താരങ്ങൾ ബോക്സിംഗ് റിംഗിൽ ഇന്നിറങ്ങും. ബൗൾസിൽ രൂപ റാണി ടർക്കിയും പിങ്കി സിംഗും ഇറങ്ങുന്നുണ്ട്.
ഇന്ത്യൻ സമയം ഉച്ച തിരിഞ്ഞ് 2 .30 ന് ജിംനാസ്റ്റിക്സിൽ വനിതാ ടീം ഫൈനലിനിറങ്ങുന്നുണ്ട്. ഉച്ച തിരിഞ്ഞ് 3 .30 ന് പർവീൻ ഹൂഡ, അരുന്ധതി ചൗധരി, സച്ചിൻ സിവാച്ച് എന്നിവർ ബോക്സിങ്ങിൽ ആദ്യ റൗണ്ടിൽ മത്സരിക്കും.
രാവിലെ 10 : 30 മുതൽ ലവ്ലിന ബോർഗോഹെയ്ൻ, അങ്കുഷ് എന്നിവർ ആദ്യ റൗണ്ടിലും, ആദിത്യ പ്രതാപ് സിംഗ് രണ്ടാം റൗണ്ടിലും മത്സരിക്കും.
ബൗൾസിൽ പുരുഷ സിംഗിൾസ് സെക്്ഷണൽ മത്സരങ്ങളിൽ പുതുൽ സോനോവാളും വനിതാ പെയേഴ്സ് സെക്്ഷണൽ മത്സരങ്ങളിൽ പിങ്കി സിംഗും രൂപ റാണി ടിർക്കിയും മാറ്റുരയ്ക്കും.
വൈകുന്നേരം 5 : 30 ന് 3x3 ബാസ്കറ്റ്ബോൾ വനിതാ വീൽചെയർ വിഭാഗത്തിൽ ഇന്ത്യ- വെയിൽസിനെ നേരിടും. വൈകുന്നേരം നാലുമണിക്ക് പുരുഷന്മാരുടെ 400 മീറ്റർ ഫ്രീസ്റ്റൈൽ ഹീറ്റ്സിൽ ദക്ഷൻ ശശികുമാർ മത്സരിക്കും. ഇതിന്റെ ഫൈനൽ നടക്കുക രാത്രി 11 : 30 നാണ്.
വൈകുന്നേരം 4 :15 ന് പുരുഷന്മാരുടെ എസ്14 200 മീറ്റർ ഫ്രീസ്റ്റൈൽ ഹീറ്റ്സിൽ ചൈതന്യ വിശ്വാസ് കുൽക്കർണി മത്സരിക്കും. ഇതിന്റെ ഫൈനൽ അർധ രാത്രി നടക്കും. അർധ രാത്രി തന്നെ പുരുഷന്മാരുടെ 50 മീറ്റർ ബാക്ക്സ്ട്രോക്ക് ഫൈനലും നടക്കും. സെമി ഫൈനലിൽ നിന്ന് യോഗ്യത നേടിയാൽ ശ്രീഹരി നടരാജ് ഫൈനലിൽ മത്സരിക്കും.
content highlights: commonwealth games 2026 day 3 india boxing and medal expectations
