LIVE TV
അന്താരാഷ്ട്ര സൗഹൃദ മത്സരത്തിൽ ഇന്ത്യയ്ക്ക് ചരിത്ര സമനില. 2026 ലെ ഫിഫ ലോകകപ്പ് കളിച്ച പനാമയെ 1 -1 നാണ് ഇന്ത്യ തളച്ചത്. ഫിഫ റാങ്കിങ്ങിൽ 44-ാം സ്ഥാനത്ത് കൂടിയാണ് പനാമ. ഇന്ത്യയുടെ റാങ്കിങ് വരുന്നത് 138 ആണ്.
മത്സരത്തിന്റെ 41-ാം മിനിറ്റിൽ റയാൻ വില്യംസിലൂടെ ഇന്ത്യയാണ് ആദ്യം മുന്നിലെത്തിയത്. എതിർ പ്രതിരോധ നിരയുടെ വിടവ് മുതലാക്കി ബോക്സിലേക്ക് കുതിച്ചെത്തിയ റയാൻ പനാമ ഗോൾകീപ്പറെ കീഴടക്കി പന്ത് വലയിലാക്കുകയായിരുന്നു. ആദ്യ പകുതിയിൽ 1-0 എന്ന അപ്രതീക്ഷിത ലീഡുമായി ഇന്ത്യ കളം വിട്ടു.
രണ്ടാം പകുതിയിൽ സമനിലയ്ക്കായി പനാമ ആക്രമണം കടുപ്പിച്ചു. 68-ാം മിനിറ്റിൽ ബോക്സിന് പുറത്തുനിന്നുള്ള മനോഹരമായ ഒരു ലോങ്ങ് റേഞ്ചറിലൂടെ ഒമർ വലൻസിയ പനാമയ്ക്കായി സമനില ഗോൾ നേടി. എങ്കിലും ഉറച്ച പ്രതിരോധവും മുന്നേറ്റങ്ങളും സമന്വയിപ്പിച്ച് ഇന്ത്യ വിജയം വിട്ടുകൊടുക്കാതെ പോരാടി.
മലയാളി താരങ്ങളായ ആഷിക് കുരുണിയൻ, സഹൽ അബ്ദുൽ സമദ്, ബിജോയ് വർഗീസ് എന്നിവർ കളിയിൽ നിറഞ്ഞു കളിച്ചു. ഒക്ടോബർ മൂന്നിന് ബ്രസീലുമായും ഒക്ടോബർ ആറിന് ഉറുഗ്വായുമാണ് ഇന്ത്യയുടെ അടുത്ത മത്സരങ്ങൾ.
content highlights: india holds panama to historic draw under 17 world cup
