LIVE TV
ഇന്ത്യന്‍ ബാറ്റിങ് കരുത്തുറ്റ തൂണുകളായ വിരാട് കോഹ്ലിയെയും രോഹിത് ശര്‍മയെയും വാനോളം പുകഴ്ത്തി മുന്‍ പാകിസ്താന്‍ ഫാസ്റ്റ് ബൗളര്‍ സുഹൈല്‍ തന്‍വീര്‍. ലോക ക്രിക്കറ്റിന് ഇരുതാരങ്ങളും നല്‍കിയ സംഭാവനകളും അവരുടെ അപാരമായ പരിചയസമ്പത്തും കണക്കിലെടുക്കുമ്പോള്‍, ഇരുവരുടെയും തുടര്‍ച്ചയായ സാന്നിധ്യം ഇന്ത്യന്‍ ക്രിക്കറ്റിന് ലഭിച്ച വലിയൊരു 'അനുഗ്രഹമാണെന്ന്' തന്‍വീര്‍ അഭിപ്രായപ്പെട്ടു.
ആധുനിക ക്രിക്കറ്റിലെ എക്കാലത്തെയും മികച്ച ബാറ്റര്‍മാരിലൊരാളായി സ്വയം അടയാളപ്പെടുത്തിയ വിരാട് കോഹ്ലി അവിസ്മരണീയമായ അന്താരാഷ്ട്ര കരിയറാണ് കെട്ടിപ്പടുത്തത്. അതേസമയം, 39-ാം വയസ്സിലും ഏകദിന ഫോര്‍മാറ്റില്‍ ടീം ഇന്ത്യയുടെ നിര്‍ണായക ശക്തിയായി രോഹിത് ശര്‍മ്മയും തുടരുന്നു. ഇരുതാരങ്ങളുടെയും കരിയറിനെയും തുടര്‍ച്ചയായ പങ്കാളിത്തത്തെയും കുറിച്ച് തന്‍വീര്‍ പറഞ്ഞത്: 'കായികക്ഷമത തന്നെയാണ് ഏതൊരു കളിക്കാരനും പ്രാഥമികമായി വേണ്ട അടിസ്ഥാന യോഗ്യത. രോഹിത് ശര്‍മയ്ക്ക് തന്റെ ഫിറ്റ്നസും കളിയുടെ താളവും നിലനിര്‍ത്താന്‍ സാധിക്കുകയാണെങ്കില്‍, വിരാട് കോഹ്ലിയും രോഹിതും കഴിയുന്നത്ര കാലം ടീമിനായി തുടര്‍ന്നു കളിക്കുന്നത് ഇന്ത്യന്‍ ക്രിക്കറ്റിന് ലഭിക്കുന്ന ഏറ്റവും വലിയ അനുഗ്രഹമായിരിക്കും' -അദ്ദേഹം പറഞ്ഞു.
പ്രായം മാത്രം ഒരു മാനദണ്ഡമായി കാണരുതെന്ന് വാദിച്ച തന്‍വീര്‍, കളിക്കാര്‍ തങ്ങളുടെ ഫിറ്റ്നസും മികച്ച പ്രകടന നിലവാരവും കാത്തുസൂക്ഷിക്കുന്നിടത്തോളം കാലം പരിചയസമ്പന്നരായ താരങ്ങള്‍ ടീമിന് എന്നും വലിയൊരു ആസ്തിയായിരിക്കുമെന്നും വ്യക്തമാക്കി.
content highlights: 'Kohli and Rohit Continuing is a Blessing for Indian Cricket': Former Pakistan Pacer Sohail Tanvir
