Get the latest news at
your fingertips!
Download our app now
LIVE TV
Search
വിജയ് ഹസാരെ ട്രോഫിയിൽ മിന്നും ഫോമിലുള്ള താരമാണ് ദേവ്ദത്ത് പടിക്കൽ. കർണാടക്ക് വേണ്ടി കളിക്കുന്ന മലയാളി താരം ടൂർണമെന്റിൽ ഇതുവരെ 600ന് മുകളിൽ റൺസ് നേടിയിട്ടുണ്ട്. വിജയ് ഹസാരെ ട്രോഫിയിൽ എന്നും മികച്ച പ്രകടനം പുറത്തെടുക്കാറുള്ള പടിക്കലിന് പക്ഷെ ഇന്ത്യൻ ഏകദിന ടീമിൽ കളിക്കാൻ ഇതുവരെ അവസരം ലഭിച്ചിട്ടില്ല.
അടുത്തതായി നടക്കുന്ന ന്യൂസിലാൻഡ് പരമ്പരക്കുള്ള ടീമിലും താരത്തിന് അവസരം ലഭിച്ചില്ലായിരുന്നു. എന്നാൽ അതിൽ തനിക്ക് നിരാശയില്ലെന്നും ഒരുപാട് ബാറ്റർമാർ അവസരത്തിനായി കാത്തിരിക്കുന്നുണ്ടെന്നും ഏകദിന ടീമിൽ കയറിപറ്റുന്നത് എളുപ്പമല്ലെന്നും പടിക്കൽ പറഞ്ഞു.
'നിരാശനാണെന്ന് ഞാൻ പറയില്ല. ഞാൻ സെലക്ഷനെ നോക്കുകയും എന്ത് നടക്കുമെന്നും നോക്കിയിരുന്നു. എന്നാൽ അതേസമയം, നിരയിൽ ധാരാളം ബാറ്റർമാരുണ്ടെന്നും എല്ലാവരും വളരെ മികച്ച പ്രകടനം കാഴ്ചവയ്ക്കുന്നുണ്ടെന്നും എനിക്ക് അറിയാം. ആ ഏകദിന ടീമിലേക്ക് ഇടിച്ചുകയറുന്നത് അത്ര എളുപ്പമല്ല,' പടിക്കൽ പറഞ്ഞു.
ഏതൊരു പ്രൊഫഷണൽ അത്ലറ്റിനും അത്യാവശ്യമായ ഒരു ഗുണമായിട്ടാണ് ഈ ക്ഷമയെ അദ്ദേഹം കാണുന്നത്. 'വീണ്ടും, ക്രിക്കറ്റ് കളിക്കാരെന്ന നിലയിൽ നിങ്ങൾ സമാധാനം പാലിക്കേണ്ട ഒരു കാര്യമാണിത്. നിങ്ങൾ നിങ്ങളുടെ ജോലി ചെയ്യാൻ ശ്രമിക്കുകയും റൺസ് നേടുകയും വേണം,' അദ്ദേഹം കൂട്ടിച്ചേർത്തു.
Content Highlights- Devdutt Padikkal opens up on ODI selection
