Get the latest news at
your fingertips!
Download our app now
LIVE TV
Search
ഐപിഎല് 2026 മിനി താരലേലം കഴിഞ്ഞ ദിവസമാണ് നടന്നത്. അതിന് മുമ്പ് ഓരോ ടീമുകളും നിലനിർത്തുന്ന താരങ്ങളുടെ ലിസ്റ്റും പുറത്തുവിട്ടിരുന്നു. ഇപ്പോഴിതാ നിലനിർത്തലിനും താര ലേലത്തിനും ശേഷം കരുത്തരായ നാലു ടീമുകളെ തിരഞ്ഞെടുത്ത് രംഗത്തെത്തെത്തിയിരിക്കുകയാണ് മുൻ ഇന്ത്യൻ താരം ആര് അശ്വിന്. തന്റെ മുന് ടീമായ ചെന്നൈ സൂപ്പര് കിംഗ്സിനെ അശ്വിന് പട്ടികയില് ഉള്പ്പെടുത്തിയിട്ടില്ലെന്നതാണ് ശ്രദ്ധേയമായ കാര്യം.
ഐപിഎല് താരലേലത്തിന് മുമ്പ് തന്നെ കോര് ടീമിനെ നിലനിര്ത്തിയ മുംബൈ ഇന്ത്യൻസാണ് ഏറ്റവും കരുത്തുറ്റ ടീമെന്നാണ് അശ്വിന്റെ വിലയിരുത്തല്. പ്രധാന താരങ്ങളെയെല്ലാം നിലനിര്ത്തിയതിനൊപ്പം താരലേലത്തല് ക്വിന്റണ് ഡി കോക്കിനെ ടീമിലെത്തിച്ച മുംബൈ ലേലത്തിന് മുമ്പ് ട്രേഡിലൂടെ ഷെറഫൈൻ റൂഥര്ഫോര്ഡ്, മായങ്ക് മാര്ക്കണ്ഡെ, ഷാര്ദ്ദുല് താക്കൂര് എന്നിവരെയും ടീമിലെത്തിച്ചിരുന്നു.
താരലേലത്തില് ഡി കോക്കിന് പുറമെ ഡാനിഷ് മലേവാര്, മുഹമ്മദ് ഇസ്ഹാര്, അഥര്വ അങ്കോലേക്കര്, മായങ്ക് റാവത്ത് എന്നിവരെയാണ് സ്വന്തമാക്കിയത്. രോഹിത് ശർമ, സൂര്യകുമാർ യാദവ്, ജസ്പ്രീത് ബുംറ, തിലക് വർമ, ഹാര്ദിക്ക് പാണ്ഡ്യ എന്നിവരും ഈ ടീമിലുണ്ട്.
ലേലത്തിനുശേഷം ഏറ്റവും കരുത്തുള്ള രണ്ടാമത്തെ ടീമായി അശ്വിന് തെരഞ്ഞെടുത്തത് നിലവിലെ ചാമ്പ്യൻമാരായ റോയല് ചലഞ്ചേഴ്സ് ബെംഗളൂരുവിനെയാണ്. ആര്സിബിയും കോര് ടീമിനെ ലേലത്തിന് മുമ്പ് നിലനിര്ത്തിയതിനൊപ്പം ലേലത്തില് വെങ്കടേഷ് അയ്യരെയും ജേക്കബ് ഡഫിയെയും ടീമിലെത്തിച്ചിരുന്നു.
കഴിഞ്ഞ വര്ഷത്തെ റണ്ണറപ്പുകളായ പഞ്ചാബ് കിംഗ്സാണ് അശ്വിന്റെ അഭിപ്രായത്തില് കരുത്തുറ്റ മൂന്നാമത്തെ ടീം. പഞ്ചാബും ലേലത്തിന് മുമ്പ് പ്രധാന താരങ്ങളെയെല്ലാം നിലനിര്ത്തിയിരുന്നു.
നാലാമത്തെ മികച്ച ടീമായി തിരഞ്ഞെടുത്തത് രാജസ്ഥാന് റോയല്സാണ്. താരലേലത്തിന് മുമ്പ് തന്നെ സഞ്ജു സാംസണെ ട്രേഡിലൂടെ വിട്ടുകൊടുത്തെങ്കിലും രവീന്ദ്ര ജഡേജയെയും സാം കറനെയും ടീമിലെത്തിച്ച രാജസ്ഥാന് സ്പിന്നര് രവി ബിഷ്ണോയിയെ 7.2 കോടിക്ക് ലേലത്തില് ടീമിലെത്തിച്ചിരുന്നു.
Content Highlights: IPL 2026: R Ashwin leaves out CSK from his top four IPL team after auction
