LIVE TV
സയ്യിദ് മുഷ്താഖ് അലി ടി20 ടൂര്‍ണമെന്റില്‍ തകർപ്പൻ തിരിച്ചുവരവുമായി യുവതാരം അഭിഷേക് ശര്‍മ. ബംഗാളിനെതിരായ മത്സരത്തിൽ പഞ്ചാബിന്റെ ക്യാപ്റ്റനായ അഭിഷേക് വെടിക്കെട്ട് സെഞ്ച്വറി നേടിയാണ് ഫോമിലേക്ക് തിരിച്ചെത്തിയത്. 52 പന്തുകളില്‍ 148 റണ്‍സാണ് അഭിഷേക് അടിച്ചെടുത്തത്. 16 സിക്‌സും എട്ട് ബൗണ്ടറിയുമാണ് അഭിഷേകിന്റെ ബാറ്റിൽ നിന്ന് പിറന്നത്.
12 പന്തില്‍ അര്‍ധ സെഞ്ച്വറി പൂര്‍ത്തിയാക്കിയ അഭിഷേക് 32 പന്തില്‍ നിന്ന് 11 സിക്‌സറുകളും ഏഴ് ഫോറുകളും ഉള്‍പ്പെടെ മൂന്നക്കവും തൊട്ടു. ബംഗാൾ താരമായ സൂപ്പർ പേസർ മുഹമ്മദ് ഷമിയുടെ ഒരോവറില്‍ മാത്രം 23 റണ്‍സാണ് പഞ്ചാബ് നായകനായ അഭിഷേക് അടിച്ചെടുത്തത്. അഭിഷേകിന്റെ ബാറ്റിൽ നിന്ന് പിറന്ന ആദ്യ 51 റണ്‍സില്‍ 50 റൺസും ബൗണ്ടറികളിലൂടെയാണ് നേടിയത്. മുഷ്താഖ് അലിയിലെ ആദ്യ മത്സരത്തിലും അഭിഷേക് നിരാശപ്പെടുത്തിയിരുന്നു.
TAKE A BOW, ABHISHEK SHARMA
— Abhishek Sharma Fc (@Abhishek_Fan_) November 30, 2025
- He Smashed 148 runs from just 52 balls including 8 fours & 16 Sixes with Stike Rate 284.62, What a knock by Abhishek - History Creater. 🌟#AbhishekSharma | #SMAT2025pic.twitter.com/bZ75h6Qp6J
അഭിഷേകിന്റെ വെടിക്കെട്ട് ഇന്നിങ്സിന്റെ കരുത്തിൽ പഞ്ചാബ് നിശ്ചിത 20 ഓവറില്‍ അഞ്ച് വിക്കറ്റ് നഷ്ടത്തില്‍ 310 റണ്‍സ് അടിച്ചെടുത്തു. പ്രഭ്‌സിമ്രാന്‍ സിംഗിനൊപ്പം ഓപ്പണിംഗ് വിക്കറ്റില്‍ 205 ചേര്‍ക്കാന്‍ അഭിഷേകിന് സാധിച്ചിരുന്നു. 35 പന്തില്‍ നാല് സിക്‌സറും എട്ട് ബൗണ്ടറിയും സഹിതം 70 റണ്‍സാണ് ഓപ്പണര്‍ പ്രഭ്‌സിമ്രാന്‍ സിംഗ് അടിച്ചെടുത്തത്.
Content Highlights: Syed Mushtaq Ali Trophy: Abhishek Sharma hits 32-ball century in Punjab vs Bengal
