Get the latest news at
your fingertips!
Download our app now
LIVE TV
Search
ഓസ്ട്രേലിയയ്ക്കെതിരായ ഇന്ത്യയുടെ ഏകദിന പരമ്പരയ്ക്ക് നാളെ പെര്‍ത്തില്‍ തുടക്കമാകും. ഏഴ് മാസത്തെ ഇടവേളക്കുശേഷം രോഹിതും കോഹ്‌ലിയും അന്താരാഷ്ട്ര ക്രിക്കറ്റിലേക്ക് തിരിച്ചെത്തുകയാണെന്ന പ്രത്യേകതയാണ് മത്സരത്തിനുള്ളത്. ക്യാപ്റ്റൻസിയുടെ ഭാരമില്ലാതെയെത്തുന്ന രോഹിതും റെക്കോർഡുകൾ ഭേദിക്കാൻ കിങ് കോഹ്‌ലിയും ഇറങ്ങുമ്പോള്‍ ആരാധകരുടെ കണ്ണുകളെല്ലാം രോ-കോ സഖ്യത്തിലാകുമെന്നുറപ്പാണ്.
ഇപ്പോഴിതാ രോഹിത്- കോഹ്‌ലി സഖ്യത്തിന്റെ കംബാക്കിന് മഴ വില്ലനാവുമോയെന്ന ആശങ്കയിലാണ് ആരാധകർ. ആദ്യ ഏകദിനം നടക്കുന്ന പെർത്തിലെ കാലാവസ്ഥാ റിപ്പോർട്ടാണ് ഇപ്പോൾ ആശങ്ക പടർത്തുന്നത്. ഒക്ടോബർ 19 ഞായറാഴ്ച ഇന്ത്യന്‍ സമയം ഒന്‍പത് മണിക്കാണ് മത്സരം ആരംഭിക്കുന്നത്. ഈ ദിവസം പെർത്തിൽ മഴ പെയ്യാൻ 63 ശതമാനം സാധ്യതയുണ്ടെന്നാണ് കാലാവസ്ഥാ പ്രവചനം. അങ്ങനെയാണെങ്കിൽ ഓപ്റ്റസ് സ്റ്റേഡിയത്തിൽ ആരാധകർ കാത്തിരിക്കുന്ന മത്സരത്തെ മഴ ബാധിച്ചേക്കാം.
accuweather.com ന്റെ റിപ്പോർട്ടുകളുടെ അടിസ്ഥാനത്തിൽ പ്രാദേശിക സമയം രാവിലെ 11:30 ന് മത്സരം ആരംഭിക്കുന്നതിന് മുമ്പ് മഴ പെയ്യുമെന്നാണ് പ്രവചിക്കപ്പെടുന്നത്. മത്സരത്തിനിടയിൽ മഴയ്ക്കുള്ള സാധ്യത 35% ൽ കൂടുതലാണ്. ഇത് മത്സരത്തിനിടയിൽ തുടർച്ചയായി തടസ്സങ്ങൾ സൃഷ്ടിക്കുമെന്ന് പ്രതീക്ഷിക്കുന്നു. ഇത് ആരാധകരുടെയും കളിക്കാരുടെയും നിരാശ വർദ്ധിപ്പിക്കുകയും ചെയ്യും.
Content Highlights: Will rain spoil Ro-Ko's comeback? Perth Weather Forecast Revealed
