Get the latest news at
your fingertips!
Download our app now
LIVE TV
Search
ഏഷ്യ കപ്പിലെ ഗ്രൂപ്പ് ബിയിലെ നിർണായക പോരിൽ അഫ്‌ഗാനിസ്ഥാനെ 8 റൺസിന് തോൽപ്പിച്ച് ബംഗ്ലാദേശ്. ഇതോടെ ടോപ് ഫോർ പ്രതീക്ഷ ബംഗ്ലാദേശ് കാത്തു.
ടോസ് നേടി അഫ്‌ഗാനിസ്ഥാനെതിരെ ബാറ്റിങ്ങിനിറങ്ങിയ ബംഗ്ലാദേശ് അഞ്ചുവിക്കറ്റ് നഷ്ടത്തിൽ 154 റൺസ് നേടി. ഓപ്പണർ തൻസിദ് ഹസൻ അർധ സെഞ്ച്വറി കണ്ടെത്തി. ഓപ്പണറായ സൈഫ് ഹസനും 30 റൺസുമായി മികച്ച പിന്തുണ നൽകി. മധ്യനിരയിൽ തൗഹീദ് ഹൃദോയ് 26 റൺസ് നേടി.
വമ്പൻ ടോട്ടലിലേക്ക് കുതിക്കുകയായിരുന്ന ബംഗ്ളാ കടുവകളെ അഫ്‌ഗാന്റെ സ്പിൻ നിരയാണ് 154 റൺസിൽ ഒതുക്കിയത്. റാഷിദ് ഖാൻ നാലോവറിൽ 26 റൺസ് വിട്ടുകൊടുത്ത് രണ്ട് വിക്കറ്റ് നേടിയപ്പോൾ നൂർ അഹമ്മദ് നാലോവറിൽ 23 റൺസ് വിട്ടുകൊടുത്ത് രണ്ട് വിക്കറ്റ് നേടി.
മറുപടി ബാറ്റിങ്ങിൽ അഫ്ഗാൻ മുഴുവൻ വിക്കറ്റ് നഷ്ടത്തിൽ 146 റൺസ് നേടി. റഹ്മാനുള്ള ഗർബാസ് 35 റൺസും അസ്മത്തുള്ള ഒമാർസായ് 30 റൺസും റാഷിദ് ഖാൻ 20 റൺസും നേടി. ബംഗ്ലാദേശിന് വേണ്ടി മുസ്തഫിസുർ റഹ്മാൻ മൂന്ന് വിക്കറ്റും റിഷാദ് ഹൊസൈൻ, തസ്‌കിൻ അഹമ്മദ്, നസും അഹമ്മദ് എന്നിവർ രണ്ട് വിക്കറ്റ് വീതവും നേടി.
Content Highlights:Bangladesh beat Afghanistan Asia Cup 2025
