Get the latest news at
your fingertips!
Download our app now
LIVE TV
Search
ഇന്ത്യയുടെ ടി20 ക്യാപ്റ്റന്‍ ക്യാപ്റ്റന്‍ സൂര്യകുമാര്‍ യാദവും പരിശീലകന്‍ ഗൗതം ഗംഭീറും തന്നിലര്‍പ്പിച്ച വിശ്വാസമാണ് തന്റെ ക്രിക്കറ്റ് ജീവിതത്തില്‍ വഴിത്തിരിവായതെന്ന് മലയാളി വിക്കറ്റ് കീപ്പര്‍ ബാറ്റര്‍ സഞ്ജു സാംസണ്‍. തന്റെ കരിയറില്‍ ഇന്ത്യന്‍ പരിശീലകന്‍ ഗൗതം ഗംഭീര്‍ ചെലുത്തിയ സ്വാധീനത്തെ കുറിച്ച് തുറന്നുപറഞ്ഞിരിക്കുകയാണ് സഞ്ജു. ഇന്ത്യയുടെ മുന്‍ താരവും രാജസ്ഥാന്‍ റോയല്‍സില്‍ സഞ്ജുവിന്റെ സഹതാരവുമായിരുന്ന അശ്വിനൊപ്പം നല്‍കിയ അഭിമുഖത്തിലാണ് മലയാളി താരം മനസുതുറന്നത്.
ശ്രീലങ്കയിൽ നടന്ന ആദ്യ രണ്ട് മത്സരങ്ങളിലും സഞ്ജു ഡക്കിന് പുറത്തായി. ഇത് അദ്ദേഹത്തെ മാനസികമായി തളർത്തി എന്ന് സഞ്ജു പറഞ്ഞു. ഡ്രസ്സിങ് റൂമിൽ വിഷമിച്ചിരുന്ന സഞ്ജുവിനെ ഗൗതം ഗംഭീർ സമീപിച്ചു. ഗംഭീറിന്റെ വാക്കുകൾ സഞ്ജുവിന് വലിയ ആത്മവിശ്വാസം നൽകി. “21 തവണ ഡക്കായാൽ മാത്രമേ ടീമിൽ നിന്ന് പുറത്താവുകയുള്ളൂ” എന്നായിരുന്നു ഗംഭീർ തമാശരൂപേണ സഞ്ജുവിനോട് പറഞ്ഞത്. ഈ വാക്കുകൾ സഞ്ജുവിന് വലിയ ആശ്വാസമായി എന്ന് സഞ്ജു പറഞ്ഞു.
ഈ സംഭവത്തിനുശേഷം സഞ്ജുവിന്റെ പ്രകടനം മെച്ചപ്പെട്ടു. 2024-ൽ മൂന്ന് ടി20 സെഞ്ച്വറികൾ നേടി അദ്ദേഹം റെക്കോർഡിട്ടു. ഒരു കലണ്ടർ വർഷത്തിൽ ഏറ്റവും കൂടുതൽ ടി20 സെഞ്ച്വറികൾ നേടുന്ന താരം എന്ന റെക്കോർഡും സഞ്ജു സ്വന്തമാക്കി.
Content Highlights: Sanju Samson recalls Gautam Gambhir's warning
