Get the latest news at
your fingertips!
Download our app now
LIVE TV
Search
ഐപിഎൽ സീസണിൽ കൂടുതൽ റൺസ് നേടുന്ന താരത്തിനായുള്ള ഓറഞ്ച് ക്യാപ് പോരാട്ടത്തിൽ രാജസ്ഥാൻ റോയൽസിന്റെ യശസ്വി ജയ്സ്വാൾ ഒന്നാമത്. പഞ്ചാബ് കിങ്സിനെതിരായ മത്സരത്തിൽ 50 റൺസ് നേടിയതോടെയാണ് ജയ്സ്വാൾ റൺവേട്ടയിൽ ഒന്നാമനായത്. ഐപിഎൽ സീസണിൽ 500 റൺസ് പിന്നിടുന്ന ആറാമത്തെ താരമാണ് ജയ്സ്വാൾ. 13 മത്സരങ്ങൾ പിന്നിടുമ്പോൾ 523 റൺസാണ് ജയ്സ്വാളിന്റെ നേട്ടം.
മുംബൈ ഇന്ത്യൻസ് താരം സൂര്യകുമാർ യാദവ് ആണ് റൺവേട്ടക്കാരുടെ പട്ടികയിൽ രണ്ടാം സ്ഥാനത്ത്. സീസണിലാകെ 12 മത്സരങ്ങളിൽ നിന്നായി സൂര്യകുമാർ 510 റൺസ് നേടി. ഗുജറാത്ത് ടൈറ്റൻസിന്റെ സായി സുദർശൻ മൂന്നാം സ്ഥാനത്തുണ്ട്. സീസണിൽ 11 മത്സരങ്ങളിൽ നിന്ന് 509 റൺസാണ് സായി നേടിയിരിക്കുന്നത്. നിലവിൽ സൂര്യകുമാർ യാദവിനേക്കാൾ ഒരു റൺസ് മാത്രമാണ് സായി സുദർശന് കുറവുള്ളത്.
ഗുജറാത്ത് ടൈറ്റൻസിന്റെ നായകൻ കൂടിയായ ശുഭ്മൻ ഗില്ലാണ് റൺവേട്ടയിൽ നാലാമത്. സീസണിൽ 11 മത്സരങ്ങളിൽ നിന്ന് 508 റൺസാണ് ഗില്ലിന്റെ സമ്പാദ്യം. റോയൽ ചലഞ്ചേഴ്സ് സൂപ്പർ താരം വിരാട് കോഹ്‍ലിയാണ് റൺവേട്ടക്കാരുടെ പട്ടികയിൽ അഞ്ചാമതുണ്ട്. 11 മത്സരങ്ങൾ പിന്നിട്ട കോഹ്‍ലിക്ക് ഇപ്പോൾ 505 റൺസുണ്ട്. 11 മത്സരങ്ങളിൽ നിന്ന് 500 റൺസ് സ്വന്തമാക്കിയ ഗുജറാത്ത് ടൈറ്റൻസ് താരം ജോസ് ബട്ലർ ആറാം സ്ഥാനത്തുമുണ്ട്.
Content Highlights: Yashasvi Jaiswal on top of the orange cap list
