LIVE TV
ഓണ്ലൈന് വഴി ഷോപ്പിംഗ് നടത്തുന്നത് സൗകര്യപ്രദമായി കരുതുന്നവരാണ് അധികവും. വസ്ത്രങ്ങള്, പലചരക്ക് സാധനങ്ങള്, ഇലക്ട്രോണിക്സ് സാധനങ്ങള് അങ്ങനെ പലതും വാങ്ങാന് ആളുകള്ക്ക് മാര്ക്കറ്റില് പോകേണ്ടതില്ല. പകരം വീട്ടിലിരുന്ന് മിനിറ്റുകള്ക്കുള്ളില് ഓര്ഡര് ചെയ്യാന് കഴിയും. പലപ്പോഴും രാത്രി വൈകി മൊബൈല് ഫോണുകളില് ഷോപ്പിംഗ് നടത്തുന്നവരാണ് പലരും. എന്നാല് ഈ ശീലം പലപ്പോഴും അമിതമായ ചെലവിലേക്ക് നയിക്കുമെന്ന് നിങ്ങള്ക്കറിയാമോ?
രാത്രി വിശ്രമസമയത്ത് ആളുകള് പലപ്പോഴും ഓഫറുകളോ കിഴിവുകളോ ലഭിക്കുന്നത് ആഗ്രഹിച്ച് ഒന്നും ആലോചിക്കാതെ പലതും ഓര്ഡര് ചെയ്യുന്നു. ഇത് പലപ്പോഴും ആവശ്യത്തിലധികം ഉല്പ്പന്നങ്ങള് അവരുടെ കാര്ട്ടില് ചേര്ക്കുന്നതിലേക്ക് നയിക്കുന്നു.
രാത്രി സമയം ആളുകള് കൂടുതല് വിശ്രമിക്കാന് ഉപയോഗിക്കുന്ന സമയമാണ്. സോഷ്യല് മീഡിയയിലൂടെയോ ഷോപ്പിംഗ് ആപ്പുകളിലൂടെയോ സ്ക്രോള് ചെയ്തുപോകുമ്പോള് പലരും ആവശ്യമില്ലാത്ത ഉല്പ്പന്നങ്ങള് വാങ്ങാന് പ്രേരിപ്പിക്കപ്പെടും. പരിമിതമായ സമയത്തേക്കുള്ള ഓഫറുകള്, ഫ്ളാഷ് സെയില്സ്, വലിയ കിഴിവുകള് എന്നിവയെക്കുറിച്ചുള്ള സന്ദേശങ്ങള് കാണുന്നത് പെട്ടെന്ന് സാധനങ്ങള് വാങ്ങാനുള്ള പ്രേരണയ്ക്ക് കാരണമാകും. ഈ ശീലത്തെ 'Impulse buying' എന്ന് വിളിക്കുന്നു. ഇത് നിങ്ങളുടെ ബജറ്റിന്റെ താളം തെറ്റിക്കുന്നു.
ഓണ്ലൈനായി ഷോപ്പിംഗ് നടത്തുകയാണെങ്കില്, ഏതെങ്കിലും ഇനം വാങ്ങുന്നതിന് മുമ്പ് വ്യത്യസ്ത വെബ്സൈറ്റുകളിലും ആപ്പുകളിലും അതേ സാധനത്തിന്റെ വില ശ്രദ്ധാപൂര്വ്വം പരിശോധിക്കേണ്ടത് പ്രധാനമാണ്. വാങ്ങാന് ഉദ്ദേശിക്കുന്ന സാധനം നിങ്ങള്ക്ക് ഉടനടി ആവശ്യമില്ലാത്തതാണെങ്കില് ഒന്നോ രണ്ടോ ദിവസം കാത്തിരിക്കുന്നത് ഗുണം ചെയ്തേക്കാം. കാരണം പലപ്പോഴും കുറച്ച് ദിവസത്തിന് ശേഷം അതേ ഉല്പ്പന്നം കുറഞ്ഞ വിലയ്ക്ക് ലഭിച്ചേക്കാം.
Content Highlights :Many people shop on their mobile phones late at night. However, did you know that this habit often leads to excessive spending?
