Top

സിപിഐഎമ്മും ബിജെപിയും ഒരുമിച്ചു; ത്രിപുരയില്‍ ബിജെപി അംഗം പഞ്ചായത്ത് പ്രസിഡന്റ്

13 Sep 2022 11:42 AM GMT
റിപ്പോർട്ടർ നെറ്റ്‌വർക്ക്

സിപിഐഎമ്മും ബിജെപിയും ഒരുമിച്ചു; ത്രിപുരയില്‍ ബിജെപി അംഗം പഞ്ചായത്ത് പ്രസിഡന്റ്
X

അഗര്‍ത്തല: ത്രിപുരയിലെ ഉനാകോട്ടി ജില്ലയിലെ കൈലാഷഗറിലെ ശ്രീനാഥ്പൂര്‍ പഞ്ചായത്തില്‍ സിപിഐഎം-ബിജെപി കൂട്ടുകെട്ട്. പഞ്ചായത്ത് പ്രസിഡന്റ് സ്ഥാനത്തേക്കും നടന്ന തെരഞ്ഞെടുപ്പിലാണ് ഇരുപാര്‍ട്ടികളും ഒരുമിച്ചത്.

ബിജെപി അംഗം ഇനുച് അലിയാണ് പുതിയ പഞ്ചായത്ത് പ്രസിഡന്റ്. സിപിഐഎം അംഗങ്ങളും ബിജെപി അംഗങ്ങളും ഇനുച് അലിക്ക് വോട്ട് ചെയ്തു. വൈസ് പ്രസിഡന്റ് സ്ഥാനത്തേക്കുള്ള തെരഞ്ഞെടുപ്പ് നീട്ടിവെച്ചു. ഈ സീറ്റിലേക്ക് സിപിഐഎം അംഗത്തെ ബിജെപി പിന്തുണക്കുമെന്നാണ് വിവരം. 13 അംഗ പഞ്ചായത്ത് സമിതിയില്‍ ബിജെപിക്ക് ആറ് അംഗങ്ങളാണുള്ളത്. സിപിഐഎമ്മിന് അഞ്ച് അംഗങ്ങളും. ബാക്കിയുള്ള രണ്ട് സീറ്റുകള്‍ കോണ്‍ഗ്രസിനാണ്.

തെരഞ്ഞെടുപ്പ് കഴിഞ്ഞപ്പോള്‍ സിപിഐഎമ്മും കോണ്‍ഗ്രസും ചേര്‍ന്നാണ് ഭരണസമിതി രൂപീകരിച്ചത്. പക്ഷെ മൂന്ന് മാസത്തിനകം സഖ്യം തകരുകയായിരുന്നു. തുടര്‍ന്ന് പ്രസിഡന്റിനും വൈസ് പ്രസിഡന്റിനുമെതിരെ അവിശ്വാസ പ്രമേയം കൊണ്ടുവരികയും വിജയിക്കുകയും ചെയ്തിരുന്നു. ഇതിനെ തുടര്‍ന്നാണ് ഈ സ്ഥാനങ്ങളിലേക്ക് തെരഞ്ഞെടുപ്പ് വേണ്ടി വന്നത്. തെരഞ്ഞെടുപ്പില്‍ നിന്ന് കോണ്‍ഗ്രസ് വിട്ട് നിന്നു.

'ബിജെപി അധികാരത്തോട് ആര്‍ത്തിയുള്ള പാര്‍ട്ടിയായതിനാല്‍ അതിന് വേണ്ടി എന്തും ചെയ്യും. സിപി ഐഎമ്മിനോടും ഞങ്ങള്‍ക്ക് വിയോജിപ്പ് ഉണ്ട്. അത് കൊണ്ടാണ് ഞങ്ങളുടെ അംഗങ്ങള്‍ തെരഞ്ഞെടുപ്പില്‍ നിന്ന് വിട്ടുനിന്നത്.', ജില്ലാ കോണ്‍ഗ്രസ് അദ്ധ്യക്ഷന്‍ എംഡി ബദ്രുജ്ജമാന്‍ പറഞ്ഞു.

Story Highlights: elected members of CPI-M and BJP came under the same roof to form the Panchayat board at tripura

Next Story