ഉണക്കമീൻ വറുത്തും കറിവച്ചും തോരനാക്കിയും ചമ്മന്തിയുണ്ടാക്കിയും ഒക്കെ കഴിക്കുന്നവരാണ് നമ്മൾ. ഉണക്കമീൻ കൊണ്ട് വേറിട്ടൊരു കരുവാട് ഫ്രൈഡ് റൈസ് റെസിപ്പി ആയാലോ? ചോറും ഉണക്കമീനും ചേർന്ന ഈ സ്പെഷ്യൽ വിഭവത്തിന് വേറെ കറികളൊന്നും വേണ്ട എന്ന പ്രത്യേകതയുമുണ്ട്.
ആവശ്യമായ വസ്തുക്കൾ
ഉണക്ക നത്തോലി - ആവശ്യത്തിന് അരി- 1 കപ്പ് മുട്ട- 1
ചെറിയ ഉള്ളി (20 എണ്ണം) അല്ലെങ്കിൽ സവാള- 1 പച്ചമുളക്- 2 എണ്ണം ജീരകം- 1 ടേബിൾ സ്പൂൺ മഞ്ഞൾപ്പൊടി- ആവശ്യത്തിന് മുളക് പൊടി- ആവശ്യത്തിന് വെളിച്ചെണ്ണ/ സൺഫ്ലവർ ഓയിൽ - ആവശ്യത്തിന് ഉപ്പ്- ആവശ്യത്തിന്
ടൊമാറ്റോ സോസ്- 1 ടീസ്പൂൺ സോയാ സോസ്- 1 ടീസ്പൂൺ
തയ്യാറാക്കുന്ന വിധം
ചോറ് വേവിച്ച് ചൂടാറാൻ മാറ്റിവെക്കുക.
ചൂടുവെള്ളത്തിൽ മീൻ കഴുകി വൃത്തിയാക്കുക. മഞ്ഞൾപ്പൊടി, ഉപ്പ്, മുളക്പൊടി എന്നിവ ചേർത്ത് നന്നായി യോജിപ്പിച്ച മിശ്രിതം മീനിൽ തേച്ചുപിടിപ്പിക്കുക.
ഒരു പാനിൽ എണ്ണയൊഴിച്ച് മീൻ വറുത്തെടുക്കുക.
മുട്ട ചിക്കിയെടുത്ത് മാറ്റിവെക്കുക
ചട്ടിയിൽ 2 ടേബിൾസ്പൂൺ എണ്ണ ഒഴിച്ച് ചൂടാവുമ്പോൾ ജീരകം ഇടുക. അതിലേക്ക് അരിഞ്ഞുവച്ച ഉള്ളി, പച്ചമുളക് എന്നിവ ചേർത്ത് നന്നായി വഴറ്റുക. ഇതിലേക്ക് ഒരു ടേബിൾസ്പൂൺ മുതൽ അര ടേബിൾസ്പൂൺ വരെ മഞ്ഞൾപ്പൊടിയും ആവശ്യത്തിന് ഉപ്പും ചേർക്കണം.
ഇനി അതിലേക്ക് ഒരു ടേബിൾസ്പൂൺ ടൊമാറ്റോ സോസും ഒരു ടേബിൾ സ്പൂൺ സോയ സോസും ചേർത്ത് നന്നായി ഇളക്കുക.
ശേഷം വേവിച്ചുവച്ച ചോറും ചിക്കിയെടുത്ത മുട്ടയും വറുത്തെടുത്ത മീനും ചേർത്ത് പതിയെ ഇളക്കി യോജിപ്പിക്കുക. കരുവാട് ഫ്രൈഡ് റൈസ് തയ്യാർ.
LIVE TV
