'പ്രിയപ്പെട്ടവരുടെ ഒട്ടും പ്രതീക്ഷിക്കാതെയുള്ള വിയോഗം സഹിക്കാവുന്നതല്ല': പി കെ കുഞ്ഞാലിക്കുട്ടി

കൊച്ചി: കൊച്ചിൻ യൂണിവേഴ്സിറ്റിയിൽ (കുസാറ്റ്) നിന്നും കേട്ട വാർത്തയുടെ ഞെട്ടൽ ഇപ്പോഴും മാറിയിട്ടില്ലെന്ന് മുസ്ലിം ലീഗ് നേതാവ് പി കെ കുഞ്ഞാലിക്കുട്ടി. സന്തോഷിച്ചും ഉല്ലസിച്ചും ക്യാമ്പസിലെ ആഘോഷത്തിൽ പങ്കെടുത്ത നാല് വിദ്യാർത്ഥികൾ പെട്ടെന്നൊരു നിമിഷം ഇനിയില്ല എന്ന കാര്യം എത്ര ഹൃദയ വേദനയാണ്. ഏറെ പ്രിയപ്പെട്ടവരുടെ ഒട്ടും പ്രതീക്ഷിക്കാതെയുള്ള വിയോഗം സഹിക്കാവുന്നതല്ലെന്ന് കുഞ്ഞാലിക്കുട്ടി ഫേസ്ബുക്കിൽ കുറിച്ചു.

പി കെ കുഞ്ഞാലിക്കുട്ടിയുെട വാക്കുകൾ:

കുസാറ്റിൽ നിന്നും കേട്ട വാർത്തയുടെ ഞെട്ടലിപ്പോഴും മാറിയിട്ടില്ല. സന്തോഷിച്ചും ഉല്ലസിച്ചും കാമ്പസിലെ ആഘോഷത്തിൽ പങ്കെടുത്ത നാല് വിദ്യാർത്ഥികൾ പെട്ടന്നൊരു നിമിഷം ഇനിയില്ല എന്ന കാര്യം എത്ര ഹൃദയ വേദനയാണ്. ഏറെ പ്രിയപ്പെട്ടവരുടെ ഒട്ടും പ്രതീക്ഷിക്കാതെയുള്ള വിയോഗം സഹിക്കാവുന്നതല്ല. മരണപ്പെട്ടവരുടെ കുടുംബത്തിന്റെയും, സഹപാടികളുടെയും ദുഖത്തിൽ പങ്ക് ചേരുന്നു.

കൊച്ചിൻ യൂണിവേഴ്സിറ്റിയിൽ (കുസാറ്റ്) നടക്കുന്ന കുസാറ്റ് ഫെസ്റ്റിൽ തിക്കിലും തിരക്കിലും പെട്ട് നാല് വിദ്യാർത്ഥികളാണ് മരിച്ചത്. അപകടത്തിൽ 80 ലേറെ വിദ്യാർത്ഥികൾക്ക് പരിക്കേറ്റു. ആംബുലൻസുകളിലായി വിദ്യാർത്ഥികളെ വിവിധ ആശുപത്രികളിലേക്ക് മാറ്റി. മെക്കാനിക്കൽ വിഭാഗം സംഘടിപ്പിച്ച ഫെസ്റ്റിനിടെയാണ് അപകടമുണ്ടായത്. ഫെസ്റ്റിലെ ഗാനമേള സദസ്സിന് ആളുകൾ കൂടിയിരുന്നു. സ്കൂൾ ഓഫ് എഞ്ചിനീയറിംഗ് ആണ് ധിഷ്ണ എന്ന പേരിൽ ഫെസ്റ്റ് നടത്തിയത്.

വിദ്യാർത്ഥികൾ തലകറങ്ങിവീഴുകയായിരുന്നു. മഴ പെയ്തതോടെ കൂടുതൽ പേർ ഓഡിറ്റോറിയത്തിലേക്ക് തള്ളിക്കയറിയത് അപകടത്തിന് കാരണമാകുകയായിരുന്നു. ഗേറ്റ് തുറന്നതോടെ എല്ലാവരും ഒരുമിച്ച് വന്നുവെന്നും ഇതോടെ ആളുകൾ മേൽക്കുമേൽ വീഴുകയായിരുന്നുവെന്നും സംഭവ സ്ഥലത്തുണ്ടായിരുന്ന വിദ്യാർത്ഥികളിലൊരാൾ റിപ്പോർട്ടർ ടിവിയോട് പറഞ്ഞത്.

Kerala

Kerala

മദ്യപിച്ച് വാക്കുതർക്കം; നെടുമങ്ങാട് മാർക്കറ്റിൽ യുവാവിനെ സുഹൃത്ത് കുത്തികൊലപ്പെടുത്തി

Kerala

ഫോൺ വിളിക്കാൻ മുറിയിൽ നിന്ന് പുറത്തിറങ്ങിയ യുവാവിനെ വലിച്ചിഴച്ച് കൊണ്ടുപോയി മർദ്ദിച്ചു; പിന്നാലെ കവർച്ച

Kerala

നിപ വൈറസ്; സമ്പര്‍ക്കപ്പട്ടികയിൽ ഉൾപ്പെട്ട 11 പേരുടെ പരിശോധനാ ഫലം കൂടി നെഗറ്റീവ്

Kerala

പ്രണയം നടിച്ച് പെൺകുട്ടിയെ തട്ടികൊണ്ടു പോയി വിറ്റു; കസ്റ്റഡിയിൽ നിന്നും രക്ഷപ്പെട്ട പ്രതിയെ പിടികൂടി പൊലീസ്