LIVE TV
ഒമാനിൽ എണ്ണവില ഒറ്റ ദിവസം കൊണ്ട് 11 ഡോളറിലധികം ഉയർന്നു. ജൂലൈയിലെ വിതരണത്തിനുള്ള ഒമാൻ ക്രൂഡ് ഓയിലിന്റെ ഔദ്യോഗിക വിലയാണ് വ്യാഴാഴ്ച കുത്തനെ ഉയർന്നത്. ഔദ്യോഗിക കണക്കുകൾ പ്രകാരം, ജൂലൈയിലെ വിതരണത്തിനുള്ള ഒമാൻ ക്രൂഡ് ഓയിലിന്റെ വില വ്യാഴാഴ്ച ബാരലിന് 103.49 ഡോളറിലെത്തി. ബുധനാഴ്ചത്തെ വില ബാരലിന് 92.39 ഡോളറിൽ നിന്ന് 11.10 ഡോളറിന്റെ ഗണ്യമായ വർധനവാണ് രേഖപ്പെടുത്തിയത്.
അന്താരാഷ്ട്ര എണ്ണ വിപണികളിലെ തുടർച്ചയായ ചലനങ്ങളാണ് ഏറ്റവും പുതിയ വില വർധനവിൽ പ്രതിഫലിക്കുന്നത്. സമീപകാല അസ്ഥിരതകൾക്ക് ശേഷമാണ് ക്രൂഡ് ഓയിൽ വിലയിൽ വീണ്ടും ഉയർച്ച ഉണ്ടായത്. അതേസമയം, മെയ് മാസത്തെ ഡെലിവറിക്ക് ഒമാനി ക്രൂഡ് ഓയിലിന്റെ പ്രതിമാസ ശരാശരി വില ബാരലിന് 124.05 ഡോളറായിരുന്നു. ഏപ്രിൽ ഡെലിവറിക്ക് രേഖപ്പെടുത്തിയ ശരാശരി വിലയുമായി താരതമ്യം ചെയ്യുമ്പോൾ ഇത് 55.90 ഡോളറിന്റെ വർദ്ധനവാണ്.
Content Highlights: Oman has seen a significant spike in oil prices, with rates increasing by more than $11 in a single day. The surge reflects ongoing volatility in global energy markets and shifting geopolitical and supply conditions.
