LIVE TV
പ്രേക്ഷകര്ക്ക് പുതുകാഴ്ച സമ്മാനിച്ച് അഭിഷേക് നാമയുടെ സംവിധാന സംരംഭമായ 'നാഗബന്ധം - ദി സീക്രട്ട് ട്രഷര്' അണിയറയില് ഒരുങ്ങുന്നു. ഇന്ത്യന് സിനിമയ്ക്ക് തന്നെ സവിശേഷമായ ഒരു കഥാ പശ്ചാത്തലവും, ഉയര്ന്ന ദൃശ്യഭംഗിയും സമ്മാനിച്ച ചിത്രത്തിലെ ടീസറും പാട്ടുകളും ഇതിനകം തന്നെ വലിയ തരംഗം സൃഷ്ടിച്ചുകഴിഞ്ഞു.
സോഷ്യല് മീഡിയയില് വന് ശ്രദ്ധ നേടിയ ചിത്രത്തിന്റെ പുതിയ പോസ്റ്റര്, ഭാവനയും യാഥാര്ത്ഥ്യവും ഒത്തുചേരുന്ന ഒരു ബ്രഹ്മാണ്ഡ സോഷ്യോ-ഫാന്റസി അഡ്വഞ്ചര് ചിത്രമായിരിക്കും ഇതെന്ന് ഉറപ്പുനല്കുന്നു. ഈ ഇതിഹാസ ചിത്രം തിയേറ്ററുകളില് കാണാന് പ്രേക്ഷകര്ക്ക് ഇനി അധികകാലം കാത്തിരിക്കേണ്ടി വരില്ല. ഈ പാന്-ഇന്ത്യന് റിലീസിനൊരുങ്ങുന്ന ഈ ചിത്രം ജൂലൈ 3-ന് ലോകമെമ്പാടും വലിയ രീതിയില് റിലീസ് ചെയ്യാന് ഔദ്യോഗികമായി ഒരുങ്ങുകയാണ്.
വിരാട് കര്ണ്ണ നായകനാകുന്ന ചിത്രത്തില് നഭ നടേഷ്, ഐശ്വര്യ മേനോന് എന്നിവരാണ് നായികമാരായി എത്തുന്നത്. ജഗപതി ബാബു, മഹേഷ് മഞ്ജരേക്കര്, മുരളി ശര്മ്മ, ജയപ്രകാശ്, അനസൂയ ഭരദ്വാജ്, ശരണ്യ പൊന്വണ്ണന്, രാമചന്ദ്ര രാജു, ഋഷഭ് സാഹ്നി തുടങ്ങിയ ശക്തരായ അഭിനേതാക്കളുടെ ഒരു വലിയ നിര തന്നെ ചിത്രത്തിലുണ്ട്.
അഭിഷേക് നാമ ഈ ചിത്രത്തിനായി ഒരു ഇതിഹാസ ദൃശ്യപ്രപഞ്ചം തന്നെ സൃഷ്ടിച്ചിരിക്കുകയാണ്. അഭിഷേക് പിക്ചേഴ്സുമായി സഹകരിച്ച് നിക് സ്റ്റുഡിയോസിന്റെ ബാനറില് കിഷോര് അന്നപുറെഡ്ഡിയും നിഷിത നാഗി റെഡ്ഡിയും ചേര്ന്ന് നിര്മ്മിക്കുന്ന ഈ ചിത്രം, വമ്പിച്ച നിര്മ്മാണച്ചെലവിലും ലോകോത്തര സാങ്കേതിക നിലവാരത്തിലും ഒരു യഥാര്ത്ഥ പാന്-ഇന്ത്യന് ദൃശ്യവിസ്മയമായാണ് ഒരുങ്ങുന്നത്. പുരാണ പശ്ചാത്തലമുള്ള ഈ ചിത്രം തിയേറ്ററുകളില് ഒരു ഉഗ്രന് ദൃശ്യാനുഭവം സമ്മാനിക്കും എന്ന കാര്യത്തില് സംശയമില്ല.
അന്താരാഷ്ട്ര പ്രശസ്തനായ ആക്ഷന് ഡയറക്ടര് വ്ലാഡ് റിംബര്ഗ് ആണ് സംഘട്ടനങ്ങള് ഒരുക്കിയിരിക്കുന്നത്. സമീപകാലത്ത് ഇന്ത്യന് സിനിമയില് നിന്ന് പുറത്തുവരുന്ന ഏറ്റവും വലിയ ദൃശ്യവിസ്മയങ്ങളില് ഒന്നായാണ് നാഗബന്ധം എത്തുന്നത്. സിനിമയുടെ ഗംഭീരമായ വ്യാപ്തി, ശ്വാസം അടക്കിപ്പിടിക്കുന്ന ദൃശ്യങ്ങള്, കടുത്ത ആക്ഷന് രംഗങ്ങള്, വലിയ സാഹസിക എപ്പിസോഡുകള്, ശക്തമായ സംഗീതം, ആകര്ഷകമായ കഥാതന്തു എന്നിവയാല് ചിത്രം 2026-ല് ഏറ്റവും കൂടുതല് കാത്തിരിക്കുന്ന റിലീസുകളില് ഒന്നായി അതിവേഗം മാറി കഴിഞ്ഞിട്ടുണ്ട് 'നാഗബന്ധം'. പിആര്ഒ ആതിര ദില്ജിത്ത്.
Content Highlights: 'Nagabandham' attracts attention with its stellar cast The film will hit theaters on July 3rd
