LIVE TV
പത്തനംതിട്ട ജില്ലാ പ്രവാസി അസോസിയേഷൻ ബഹ്റൈൻ ദേശീയ ദിനം 54-ാമത് നാഷണൽ ഡേയുടെ ഭാഗമായി വിപുലമായ ആഘോഷ പരിപാടികൾ സംഘടിപ്പിച്ചു. ബഹ്റൈൻ രാജ്യത്തോടുള്ള സ്നേഹവും ഐക്യദാർഢ്യവും പ്രകടിപ്പിച്ച പരിപാടിയിൽ അസോസിയേഷൻ ഭാരവാഹികളും നിരവധി അംഗങ്ങളും പങ്കെടുത്തു.
പ്രവാസികൾക്ക് താങ്ങും തണലുമായ ബഹ്റൈൻ ഡിസംബർ 16-ന് വൈകുന്നേരം കലവറ റെസ്റ്റോറന്റ് ഹാളിൽ നടന്ന ചടങ്ങിൽ, ബഹ്റൈൻ രാജ്യം പ്രവാസികൾക്ക് നൽകുന്ന അനുകമ്പാർദ്രമായ കരുതലിനും പിന്തുണയ്ക്കും അസോസിയേഷൻ പ്രത്യേകമായി നന്ദി രേഖപ്പെടുത്തി. ഏത് പ്രതിസന്ധി ഘട്ടങ്ങളിലും പ്രവാസികളെ ചേർത്തുനിർത്തുന്ന ബഹ്റൈൻ ഭരണകൂടത്തിന്റെ നിലപാടുകൾ പ്രശംസനീയമാണ്. വിവിധ രാജ്യക്കാരായ ജനങ്ങൾക്ക് സൗഹൃദപരവും സുരക്ഷിതവുമായ ജീവിതം നയിക്കാൻ രാജ്യം നൽകുന്ന പിന്തുണ, ബഹ്റൈനെ പ്രവാസികളുടെ ഇഷ്ടകേന്ദ്രമാക്കി മാറ്റുന്നു. പ്രവാസികൾക്ക് തുല്യ പരിഗണനയും തൊഴിൽ സാഹചര്യങ്ങളും ഉറപ്പാക്കുന്ന ഭരണ മികവിനെ പരിപാടിക്കിടയിൽ ഭാരവാഹികൾ എടുത്തുപറഞ്ഞു.
രാജാവായ ഹമദ് ബിൻ ഈസ അൽ ഖലീഫയുടെ ദീർഘവീക്ഷണമുള്ള ഭരണത്തിന് കീഴിൽ ബഹ്റൈൻ കൂടുതൽ പുരോഗതിയിലേക്ക് കുതിക്കട്ടെയെന്ന് അസോസിയേഷൻ ഭാരവാഹികൾ ആശംസിച്ചു. അസോസിയേഷൻ ഭാരവാഹികളായ പ്രസിഡന്റ്, സെക്രട്ടറി, ട്രഷറർ എന്നിവരുൾപ്പെടെയുള്ളവർ ചടങ്ങിന് നേതൃത്വം നൽകി. കേക്ക് മുറിക്കൽ, ദേശീയ ദിന സന്ദേശം നൽകൽ എന്നിവയായിരുന്നു പ്രധാന പരിപാടികൾ. ദേശീയ ദിനാഘോഷം ബഹ്റൈൻ-ഇന്ത്യ ബന്ധം കൂടുതൽ ശക്തിപ്പെടുത്തുന്നതിന് സഹായിക്കുമെന്ന് ഭാരവാഹികൾ പ്രത്യാശ പ്രകടിപ്പിച്ചു.
Content Highlights: Bahrain National Day celeberated by Pathanamthitta District Pravasi Association
