Get the latest news at
your fingertips!
Download our app now
LIVE TV
Search
2025ലെ ആരോഗ്യസംരക്ഷണ സൂചികയിൽ മികവുമായി ബഹ്റൈൻ. സിഇഒ വേൾഡ് മാഗസിൻ പുറത്തിറക്കിയ സൂചിക പ്രകാരം അറബ് രാജ്യങ്ങളിൽ അഞ്ചാം സ്ഥാനത്താണ് ബഹ്റൈൻ. ആഗോളതലത്തിൽ 54-ാം സ്ഥാനമാണ് ബഹ്റൈനുള്ളത്. 38.48 പോയിന്റാണ് ബഹ്റൈൻ ആരോഗ്യസംരക്ഷണ സൂചികയിൽ കരസ്ഥമാക്കിയത്.
അറബ് രാജ്യങ്ങളുടെ പട്ടികയിൽ യുഎഇയാണ് ഒന്നാം സ്ഥാനത്തുള്ളത്. ആഗോള തലത്തിൽ 17-ാം സ്ഥാനത്താണ് യുഎഇ. അറബ് രാജ്യങ്ങളുടെ പട്ടികയിൽ രണ്ടാം സ്ഥാനത്തുള്ള സൗദി അറേബ്യ ആഗോള തലത്തിൽ 37-ാം സ്ഥാനത്തുമുണ്ട്. അറബ് രാജ്യങ്ങളിൽ മൂന്നാമതുള്ള തുനീഷ്യ ആഗോള തലത്തിൽ 49-ാം സ്ഥാനത്തുണ്ട്.
മരുന്നുകളുടെ ലഭ്യത, അതിന്‍റെ വില, മെഡിക്കൽ അടിസ്ഥാന സൗകര്യങ്ങളും ജീവനക്കാരുടെ എണ്ണവും മേഖലയെ പിന്തുണക്കുന്നതിൽ സർക്കാറിന്റെ സന്നദ്ധത എന്നീ മൂന്ന് പ്രധാന മാനദണ്ഡങ്ങളെ അടിസ്ഥാനമാക്കിയാണ് ഈ സൂചിക തയാറാക്കിയിരിക്കുന്നത്. സൂചകങ്ങളിൽ പല പ്രാദേശികരാജ്യങ്ങളെ അപേക്ഷിച്ച് ബഹ്റൈൻ ശക്തമായ പ്രകടനമാണ് കാഴ്ചവെച്ചത്.
മെഡിക്കൽ മേഖലയിലെ ബഹ്‌റൈന്റെ നിലവിലുള്ള നിക്ഷേപങ്ങളെ ഈ റാങ്കിങ് പ്രതിഫലിക്കുന്നതായി റിപ്പോർട്ട് പറയുന്നു. ഇത് രാജ്യത്തിന്റെ പ്രശസ്തി വർധിപ്പിക്കാനും കൂടുതൽ ആരോഗ്യപദ്ധതികളെയും നിക്ഷേപങ്ങളെയും രാജ്യത്തേക്ക് ആകർഷിക്കാനും സാധ്യതയുണ്ടെന്നും റിപ്പോർട്ടിൽ പ്രതിപാദിക്കുന്നു.
Content Highlights: Bahrain excels in CEO World magazine's healthcare ranking
