LIVE TV
പ്രേക്ഷകപ്രീതിക്കൊപ്പം നിരവധി റെക്കോര്ഡുകള് തകര്ത്ത് മുന്നേറുകയാണ് നിവിന് പോളി ചിത്രം ബെത്ലഹേം കുടുംബ യൂണിറ്റ്. ഇപ്പോഴിതാ മറ്റൊരു നേട്ടം കൂടി സ്വന്തമാക്കിയിരിക്കുകയാണ് ചിത്രം. ബുക്ക് മൈ ഷോയില് ഏറ്റവും കൂടുതല് ബുക്ക് ചെയ്ത മലയാള സിനിമയായി മാറിയിരിക്കുകയാണ് ബെത്ലഹേം കുടുംബ യൂണിറ്റ്.
അതേസമയം, ചിത്രം ആഗോള തലത്തില് 300 കോടിയിലേക്ക് വിജയക്കുതിപ്പ് തുടരുകയാണ്. ചിത്രത്തിന് ലഭിച്ച അളവറ്റ ജനപ്രീതിക്ക് പിന്നാലെ ചിത്രത്തിന്റെ അണിയറപ്രവര്ത്തകര് 'Encore' എന്ന പേരില് രണ്ടാം ട്രെയിലര്പുറത്തുവിട്ടു. ചിത്രത്തിലെ ഏറെ രസകരമായ ചില രംഗങ്ങള് ഈ ട്രെയിലറില് ഉള്ക്കൊള്ളിച്ചിട്ടുണ്ട്.
'ജസ്റ്റിന്' എന്ന കഥാപാത്രമായി നിവിന് പോളിയും 'ആഷ്ലി'യായി മമിത ബൈജുവും തിയേറ്ററുകളില് തീര്ത്ത ആകര്ഷകമായ കെമിസ്ട്രിയും ചിത്രത്തിലെ മികച്ച കോമഡി ട്രാക്കുകളുമടക്കം ട്രെയിലറില് ഉണ്ട്. നിവിന് പോളിയുടെ സിനിമാ ജീവിതത്തിലെ ഏറ്റവും ഉയര്ന്ന ബോക്സ് ഓഫീസ് നേട്ടമാണ് ചിത്രം കരസ്ഥമാക്കിയിരിക്കുന്നത്. ഗിരീഷ് എ ഡി സംവിധാനം ചെയ്ത ഈ ചിത്രം ഭാവനാ സ്റ്റുഡിയോസിന്റെ ബാനറില് ഫഹദ് ഫാസില്, ദിലീഷ് പോത്തന്, ശ്യാം പുഷ്കരന് എന്നിവര് ചേര്ന്നാണ് നിര്മ്മിച്ചിരിക്കുന്നത്.
ഓണം റിലീസായി തിയേറ്ററുകളിലെത്തിയ ചിത്രം കേരളത്തില് മാത്രമല്ല, തമിഴ്, തെലുങ്ക് പതിപ്പുകളിലൂടെ ഇതര സംസ്ഥാനങ്ങളിലും വിദേശത്തും വലിയ വിജയം കൈവരിച്ചു. വിഷ്ണു വിജയ് ഒരുക്കിയ സംഗീതവും അജ്മല് സാബുവിന്റെ ക്യാമറയും ആകാശ് ജോസഫ് വര്ഗ്ഗീസിന്റെ എഡിറ്റിംഗും ചിത്രത്തിന്റെ വിജയത്തില് നിര്ണ്ണായക ഘടകമായിട്ടുണ്ട്. സംഗീത് പ്രതാപ്, സുരേഷ് കൃഷ്ണ, ബിന്ദു പണിക്കര്, വിനയ് ഫോര്ട്ട്, റോഷന് ഷാനവാസ്, ശ്യാം മോഹന്, ഷമീര് ഖാന്, ശ്രിന്ദ, പാര്വതി അയ്യപ്പദാസ്, മീനാക്ഷി രവീന്ദ്രന് തുടങ്ങി വലിയൊരു താരനിരയാണ് ചിത്രത്തില് ശ്രദ്ധേയ വേഷങ്ങളിലുള്ളത്.
ഗാനരചന: വിനായക് ശശികുമാര്, എക്സിക്യൂട്ടീവ് പ്രൊഡ്യൂസര്: ബെന്നി കട്ടപ്പന, ജോസ് വിജയ്, പ്രൊഡക്ഷന് കണ്ട്രോളര്: റിച്ചാര്ഡ്, ആര്ട്ട് ഡയറക്ടര്: ആഷിക് എസ്, കോസ്റ്റ്യൂം: ധന്യ ബാലകൃഷ്ണന്, മേക്കപ്പ്: റോണക്സ് സേവ്യര്, സംഘട്ടനം: ആക്ഷന് സന്തോഷ്, പ്രൊഡക്ഷന് എക്സിക്യൂട്ടീവ്: ജംഷീര് പുരക്കാട്ടിരി, ചീഫ് അസ്സോസിയേറ്റ് ഡയറക്ടര്: ഫിലിപ്പ് ഫ്രാന്സിസ്, സൗണ്ട് മിക്സിങ്: വിഷ്ണു സുജാതന്, സൗണ്ട് ഡിസൈന്: ശങ്കരന് എ.എസ്, കെ.സി സിദ്ധാര്ത്ഥന്, വിഎഫ്എക്സ്: എഗ്ഗ് വൈറ്റ് വിഎഫ്എക്സ്, കളറിസ്റ്റ്: രമേഷ് സി.പി, സ്റ്റില്സ്: റിന്സണ് എം.ബി, റിഷിലാല് ഉണ്ണികൃഷ്ണന്,പോസ്റ്റര് ഡിസൈന്: യെല്ലോ ടൂത്ത്സ്, പിആര്ഒ: ആതിര ദില്ജിത്ത്.
Content Highlights: 'Bethlehem' has become the most-booked Malayalam movie on BookMyShow. The film continues its successful run globally, racing towards the ₹300 crore mark.
