LIVE TV
മമ്മൂട്ടിയെ നായകനാക്കി നിതീഷ് സഹദേവ് ഒരുക്കുന്ന ചിത്രത്തിന്റെ ഷൂട്ടിങ് ആരംഭിച്ചു. മമ്മൂട്ടി കമ്പനിയുടെ ബാനറില് മമ്മൂട്ടി നിര്മ്മിക്കുന്ന ഒന്പതാം ചിത്രമാണിത്. സംവിധായകന് നിതീഷ് സഹദേവും അനുരാജ് ഒ ബിയും ചേര്ന്നാണ് ചിത്രം രചിച്ചിരിക്കുന്നത്. ജിംഷി ഖാലിദ് ആണ് ചിത്രത്തിന് ക്യാമറ ചലിപ്പിക്കുന്നത്.
വമ്പന് താരനിരയാണ് ചിത്രത്തില് അണിനിരക്കുന്നത് എന്നാണ് സൂചന. ചിത്രത്തിന്റെ താരനിര, മറ്റ് സാങ്കേതിക പ്രവര്ത്തകര് എന്നിവരെ സംബന്ധിച്ചുള്ള വിവരങ്ങള് വൈകാതെ പുറത്ത് വിടും. കളംകാവല് എന്ന ബ്ലോക്ക്ബസ്റ്റര് ചിത്രത്തിന് ശേഷം മമ്മൂട്ടി കമ്പനി നിര്മ്മിക്കുന്ന ചിത്രമാണിത്.
The wait is over! ❤️
— MammoottyKampany (@MKampanyOffl) July 28, 2026
MammoottyKampany Production No. 9, directed by Nithish Sahadev, has officially gone on floors today in Karaikudi. 🎬
Seeking all your love, blessings, and support as we embark on this exciting journey. 🙏✨
Stay tuned for more updates! ❤️#Mammootty… pic.twitter.com/uml6PT8IDT
വാഴ 2 താരം ഹാഷിര് ഈ മമ്മൂട്ടി സിനിമയുടെ ഭാഗമാണ് എന്നാണ് റിപ്പോര്ട്ടുകള്. ഹാഷിറിന്റെ ഇന്സ്റ്റഗ്രാം സ്റ്റോറി സംവിധായകന് നിതീഷ് സഹദേവ് റീ പോസ്റ്റ് ചെയ്തതോടെയാണ് അഭ്യൂഹങ്ങള് തുടങ്ങിയത്. പ്രേക്ഷകരും നിരൂപകരും ഒരുപോലെ പ്രശംസ ചൊരിഞ്ഞ എട്ട് ചിത്രങ്ങള്ക്ക് ശേഷം മമ്മൂട്ടി കമ്പനി നിര്മ്മിക്കുന്ന ചിത്രമെന്ന നിലയില് വലിയ പ്രതീക്ഷകളോടെയാണ് പ്രേക്ഷകര് ഈ ചിത്രത്തെ കാത്തിരിക്കുന്നത്. ഫാലിമി എന്ന സൂപ്പര് ഹിറ്റ് ഒരുക്കി അരങ്ങേറ്റം കുറിച്ച നിതീഷ് സഹദേവ് അതിന് ശേഷം തമിഴില് തലൈവര് തമ്പി തലൈമയില് എന്നൊരു സൂപ്പര് ഹിറ്റും ഒരുക്കിയിരുന്നു. അദ്ദേഹം വീണ്ടും മലയാളത്തില് ഒരുക്കുന്ന ചിത്രം എന്ന നിലയിലും ഈ പ്രോജക്ട് ആരാധകര്ക്കും പ്രേക്ഷകര്ക്കും വലിയ ആവേശം സമ്മാനിക്കുന്നുണ്ട്. പിആര്ഒ : വൈശാഖ് സി വടക്കേവീട്, ജിനു അനില്കുമാര്.
Content Highlights: The shooting of the upcoming film starring Mammootty and directed by Nithish Sahadev has begun. Promising to be a commercial entertainer, the project has generated expectations among fans with its exciting announcement.
