Get the latest news at
your fingertips!
Download our app now
LIVE TV
Search
റിബൽ സ്റ്റാർ പ്രഭാസിനെ നായകനാക്കി മാരുതി സംവിധാനം ചെയ്ത ഹൊറർ കോമഡി സിനിമയാണ് ദി രാജാസാബ്. വമ്പൻ ബജറ്റിൽ ഒരുങ്ങിയ സിനിമ നടന്റെ കരിയറിലെ ഏറ്റവും വലിയ സിനിമകളിൽ ഒന്നായിട്ടാണ് എത്തിയത്. സംക്രാന്തി റിലീസായി പുറത്തിറങ്ങിയ സിനിമയ്ക്ക് മോശം അഭിപ്രായങ്ങളാണ് ലഭിച്ചത്. ചിത്രത്തിലെ നടി മാളവിക മോഹനന്റെ ഫൈറ്റ് സീനുകൾ നടി അല്ല ചെയ്തതെന്നും മുഴുവൻ ചെയ്തത് സ്റ്റണ്ട് ഡബിൾ ആണെന്ന തരത്തിൽ പോസ്റ്റുകൾ സോഷ്യൽ മീഡിയയിൽ വൈറലായിരുന്നു. ഇപ്പോഴിതാ ഇതിൽ പ്രതികരണവുമായി എത്തിയിരിക്കുകയാണ് മാളവിക മോഹനൻ.
'രാജാസാബിലെ സ്റ്റണ്ടുകൾ മുഴുവൻ ഞാൻ അല്ല ചെയ്തതെന്നും പകരം ബോഡി ഡബിൾ ആണ് ചെയ്തതെന്ന തരത്തിലുള്ള പോസ്റ്റുകൾ ഞാൻ കാണാനിടയായി. ഒപ്പം സിനിമയിൽ എന്റെ സ്റ്റണ്ട് ഡബിൾ ആയിരുന്ന ഒരു സ്റ്റണ്ട് ആർട്ടിസ്റ്റിന്റെ ഫോട്ടോയും സോഷ്യൽ മീഡിയയിൽ പ്രചരിക്കുന്നുണ്ട്. ഒന്നാമതായി, ആക്ഷൻ ചെയ്യുന്നത് എനിക്ക് ശരിക്കും ഇഷ്ടമായതിനാലാണ് ഞാൻ ആക്ഷൻ ചെയ്യുന്നത്. ചെറുപ്പം മുതലേ ഞാൻ ഒരു സ്പോർട്സ് പെൺകുട്ടിയാണ്, എന്റെ ശരീരത്തെ ശാരീരികമായി വെല്ലുവിളിക്കുന്നതും പുതിയ കാര്യങ്ങൾ പഠിക്കുന്നതും ഞാൻ ആസ്വദിക്കുന്നു.
രണ്ടാമതായി, അഭിനേതാക്കൾ സ്വന്തം സ്റ്റണ്ടുകൾ ചെയ്യുമ്പോൾ പോലും സെറ്റുകളിൽ ഒരു സ്റ്റണ്ട് ഡബിൾ ഉണ്ടാകും, കാരണം അവർ വിദഗ്ധരായതിനാൽ ഷോട്ടിന്റെ റിഹേഴ്സലുകൾ അവരെക്കൊണ്ട് ആക്ഷൻ ഡയറക്ടർ ചെയ്യിപ്പിക്കും. കൂടാതെ നടന് ചെയ്യാൻ വളരെ അപകടസാധ്യതയുള്ളതായി തോന്നുമ്പോൾ - ഒരു പ്രൊഫഷണൽ ആ ഷോട്ട് എക്സിക്യൂട്ട് ചെയ്യുന്നതാണ് നല്ലതെന്ന് അവർ കരുതുന്നു. ഞാൻ ചില രസകരമായ ഷോട്ടുകൾ ചെയ്യുന്നതിന്റെ ചില ബിടിഎസുകൾ ഇതാ & അവ എങ്ങനെ ശരിയായി എക്സിക്യൂട്ട് ചെയ്യണമെന്ന് എന്നെ പഠിപ്പിച്ച എന്റെ സ്റ്റണ്ട് ഡബിളിന് നന്ദി', എന്നാണ് മാളവിക സോഷ്യൽ മീഡിയയിൽ കുറിച്ചത്.
Been seeing a lot of tweets and articles about how I claimed to do my own stunts for ‘The Rajasaab’ but a body double did it as there’s a photo circulating online of a stunt artist who was my stunt double on the film.
— Malavika Mohanan (@MalavikaM_) February 13, 2026
Firstly, I do action because I really enjoy doing action.… pic.twitter.com/9ePwlLpti4
ചിത്രമിപ്പോൾ ഒടിടിയിൽ ലഭ്യമാണ്. ജിയോഹോട്ട്സ്റ്റാറിലൂടെയാണ് സിനിമ പ്രേക്ഷകർക്ക് മുന്നിലേക്ക് എത്തിയത്. ആഗോള ബോക്സ് ഓഫീസിൽ നിന്ന് 206.75 കോടിയാണ് സിനിമ നേടിയത്. ആദ്യ ദിനം റെക്കോർഡ് കളക്ഷനായ 112 കോടിയാണ് രാജാസാബ് നേടിയിരിക്കുന്നത്. ഇതോടെ പ്രഭാസിന്റെ തുടർച്ചയായി ആദ്യ ദിനം 100 കോടി നേടുന്ന സിനിമയായി രാജാസാബ് മാറി. ഒരു ഹൊറർ ഫാന്റസി സിനിമ ആദ്യ ദിനം നേടുന്ന ഏറ്റവും ഉയർന്ന കളക്ഷൻ കൂടിയാണിത്. തെലുങ്ക്, തമിഴ്, മലയാളം, കന്നഡ, ഹിന്ദി എന്നീ അഞ്ച് ഭാഷകളിലായി പാൻ ഇന്ത്യൻ ചിത്രമായി പ്രദർശനത്തിനെത്തുന്ന രാജാസാബ് പീപ്പിൾ മീഡിയ ഫാക്ടറിയുടെ ബാനറിൽ ടി.ജി. വിശ്വപ്രസാദാണ് ചിത്രം നിർമ്മിക്കുന്നത്. ‘പ്രതി റോജു പാണ്ഡഗെ’, റൊമാൻ്റിക് കോമഡി ചിത്രമായ ‘മഹാനുഭാവുഡു’ എന്നീ സിനിമകൾക്ക് ശേഷം മാരുതി തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ദ രാജാ സാബ്’.
Content Highlights: Been seeing a lot of tweets and articles about how I claimed to do my own stunts for ‘The Rajasaab’ but a body double did it as there’s a photo circulating online of a stunt artist who was my stunt double on the film clarifies malavika mohanan
