

നടി ശ്രുതി ഹാസൻ തന്റെ മുൻ കാമുകന്മാരുമായുള്ള ബന്ധത്തെക്കുറിച്ചും ഡേറ്റിംഗ് വിശേഷങ്ങളെക്കുറിച്ചും തുറന്നുപറഞ്ഞ കാര്യങ്ങൾ ഇപ്പോൾ സോഷ്യൽ മീഡിയയിൽ വൈറലാകുന്നു. റിലേഷൻഷിപ്പ് അവസാനിച്ചാലും നല്ല സൗഹൃദം സൂക്ഷിക്കുന്നതിനെക്കുറിച്ചും എന്നാൽ അതിൽ ചില ആരോഗ്യകരമായ അതിർവരമ്പുകൾ വേണമെന്നും താരം വ്യക്തമാക്കുന്നു. നടി സുഹാസിനിയുമായി നടത്തിയ അഭിമുഖത്തിലാണ് പ്രതികരണം.
'മുൻ കാമുകൻമാരെ ഞാൻ കോൾ ചെയ്തിട്ടുണ്ട്. മുൻ കാമുകനും ഞാനും ഇപ്പോഴും നല്ല സൗഹൃദത്തിലാണ്. അടിസ്ഥാനപരമായി അവൻ നല്ല മനുഷ്യനാണ്. അതിനാൽ എളുപ്പമാണ്. റിലേഷൻഷിപ്പ് രണ്ട് പേർക്കും വർക്കായില്ലെങ്കിൽ അവർ മോശം ആളുകളാണെന്നില്ല. അവൻ കഴിവുള്ള ആർട്ടിസ്റ്റാണ്. ഞങ്ങൾ ഒരേ സൗഹൃദവലയത്തിനുള്ളവരാണ്. എപ്പോഴും പരസ്പര ബഹുമാനമുണ്ട്. പക്ഷെ മുൻകാമുകൻമാർക്ക് ബെസ്റ്റ് ഫ്രണ്ടാകാൻ പറ്റില്ല. വളരെ അടുത്ത സൗഹൃദം പറ്റില്ല.
വീണ്ടും ഒരുമിച്ചായിരിക്കണമെങ്കിൽ ആ ബന്ധത്തിലേക്ക് തിരിച്ച് പോയാൽ പോരേ. അല്ലെങ്കിൽ ആരോഗ്യകരമായ അതിർവരമ്പ് വേണമെന്ന് ഞാൻ വിശ്വസിക്കുന്നു. അല്ലാതെ എന്തൊക്കെയുണ്ട്, ഇന്ന് എന്തൊക്കെ ചെയ്തു എന്ന് പറയേണ്ട കാര്യമില്ലെന്നും ശ്രുതി ഹാസൻ പറഞ്ഞു. ഞാനൊരുപാട് ഡേറ്റുകൾക്ക് പോയിട്ടില്ല. എനിക്ക് റിലേഷൻഷിപ്പുകളുണ്ടായിട്ടുണ്ട്. പക്ഷെ ഡിന്നറിനൊന്നും പോയിട്ടില്ല. അവരുമായി പ്രണയത്തിലാണെങ്കിൽ പോകും. അല്ലാതെ മറ്റൊരാളെ അറിയാനുള്ള സമയം എനിക്കില്ലെന്നും ശ്രുതി ഹാസൻ പറയുന്നു.
Content Highlights: Actress Shruti Haasan has shared her perspective on dating and relationships, stating that people can remain friends with their ex-boyfriends but becoming best friends may not be possible. Her comments offer insight into her views on relationships and post-breakup friendships.