Get the latest news at
your fingertips!
Download our app now
LIVE TV
Search
അമ്മ തെരഞ്ഞെടുപ്പിന്റെ ഫലങ്ങൾ ഇന്ന് പുറത്തുവന്നു. പ്രസിഡന്റ് സ്ഥാനത്തേക്ക് ശ്വേത മേനോൻ വിജയിച്ചു. ഇതാദ്യമായിട്ടാണ് അമ്മയുടെ തലപ്പത്തേക്ക് ഒരു വനിത എത്തുന്നത്. 20 വോട്ടിനാണ് ശ്വേത മേനോൻ വിജയിച്ചത്. ഇപ്പോഴിതാ അമ്മയുടെ ഇലക്ഷനുമായി ബന്ധപ്പെട്ട് നടൻ കൊല്ലം തുളസി പറഞ്ഞ വാക്കുകളാണ് ചർച്ചയാകുന്നത്.
'ആണുങ്ങൾ അല്ലേ ഭരിക്കേണ്ടത്. പെണ്ണുങ്ങൾ നമ്മുടെ താഴെയായിരിക്കണം', എന്നാണ് കൊല്ലം തുളസിയുടെ വാക്കുകൾ. ഒരു ഓൺലൈൻ ചാനലിനോടായിരുന്നു നടന്റെ പ്രതികരണം. വീഡിയോയോയുടെ അവസാനം താൻ വെറുതെ പറഞ്ഞതാണെന്നും കൊല്ലം തുളസി പറയുന്നത് കാണാം. വീഡിയോയ്ക്ക് താഴെ നടനെ വിമർശിച്ചുകൊണ്ട് നിരവധി കമന്റുകളാണ് വരുന്നത്.
അതേസമയം, തെരഞ്ഞെടുപ്പിൽ ജനറൽ സെക്രട്ടറി ആയി കുക്കു പരമേശ്വരൻ തെരഞ്ഞെടുക്കപ്പെട്ടു. കുക്കു പരമേശ്വരനും രവീന്ദ്രനുമായിരുന്നു ജനറൽ സെക്രട്ടറി സ്ഥാനത്തേക്ക് മത്സരിച്ചിരുന്നത്. വൈസ് പ്രസിഡന്റ് ആയി ലക്ഷ്മിപ്രിയയും ജയൻ ചേർത്തലയും തെരഞ്ഞെടുക്കപ്പെട്ടു. ലക്ഷ്മിപ്രിയ, ജയൻ ചേർത്തല, നാസർ ലത്തീഫ് എന്നിവരായിരുന്നു വൈസ് പ്രസിഡന്റ് സ്ഥാനത്തേക്ക് മത്സരിച്ചത്. അമ്മയിൽ ഇത്രയും വാശിയേറിയ മത്സരം ഇതുവരെ നടന്നിട്ടില്ലെന്ന് ശ്വേത മേനോൻ റിപ്പോർട്ടറിനോട് പ്രതികരിച്ചു. ഒപ്പം മത്സരിച്ച ദേവൻ തോറ്റെന്ന് താൻ ഒരിക്കലും പറയില്ലെന്നും അദ്ദേഹത്തിന്റെ അനുഗ്രഹം തനിക്ക് ലഭിച്ചെന്നും ശ്വേത മേനോൻ പറഞ്ഞു. WCC അംഗങ്ങളെ ഇരുകയ്യും നീട്ടി അമ്മ സ്വീകരിക്കുമെന്നും റിപ്പോർട്ടറിനോട് ശ്വേത മേനോൻ പറഞ്ഞു.
Content Highlights: Kollam Thulasi about AMMA elections
