LIVE TV
പാലക്കാട്: ഭാര്യയെയും മകനെയും യാത്രയാക്കാന് വന്നയാള് ട്രെയിനിന്റെ അടിയില്പ്പെട്ട് മരിച്ചു. പട്ടാമ്പി റെയില്വേ സ്റ്റേഷനിലാണ് സംഭവം. ഉത്തര്പ്രദേശ് സ്വദേശി ഇക്ബാല് ഖാന് ആണ് മരിച്ചത്. ഇന്ന് വൈകുന്നേരമാണ് ഒന്നാം നമ്പര് പ്ലാറ്റ്ഫോമില് അപകടമുണ്ടായത്. എറണാകുളം - നിസാമുദ്ദീന് മംഗള എക്സ്പ്രസിന് അടിയില്പ്പെട്ടാണ് അപകടമുണ്ടായത്.
ഭാര്യയെയും മകനെയും ട്രെയിന് കയറ്റി, ലഗേജുകളും കയറ്റിയ ശേഷമാണ് അപകടമുണ്ടായത്. ട്രെയിന് നീങ്ങിയ ശേഷം ഇയാള് വീഴുന്നത് കണ്ട് കുടുംബം ബഹളം വയ്ക്കുകയും യാത്രക്കാര് ചെയിന് വലിച്ച് ട്രെയിന് നിര്ത്തുകയും ആയിരുന്നു. ട്രെയിനിന്റെ എസ് - വണ് കമ്പാര്ട്ട്മെന്റിലാണ് ഭാര്യയെയും മകനെയും കയറ്റിവിട്ടത്. പട്ടാമ്പി പൊലീസ് സ്ഥലത്തെത്തി മേല് നടപടികള് സ്വീകരിച്ചു.
Content Highlights: UP native died due fall under the train in Palakkad
