Get the latest news at
your fingertips!
Download our app now
LIVE TV
Search
സംസ്ഥാനത്ത് സ്വര്ണവില വീണ്ടും കുറഞ്ഞ് 53,000ല് താഴെ എത്തി. 320 രൂപ കുറഞ്ഞതോടെ ഒരു പവന് സ്വര്ണത്തിന്റെ വില 52,880 രൂപയായി. ഗ്രാമിന് 40 രൂപയാണ് കുറഞ്ഞത്. 6610 രൂപയാണ് ഒരു ഗ്രാം സ്വര്ണത്തിന്റെ വില. വ്യാഴവും വെള്ളിയും ഒരേ വിലയില് വിപണനം നടന്ന സ്വര്ണത്തിന് ശനിയാഴ്ചയും വീണ്ടും കുറവ് രേഖപ്പെടുത്തിയിരുന്നു. ഇന്നലെ നിരക്കുകളില് മാറ്റമില്ലാതെ തുടര്ന്നു.
ഈ മാസം 20ന് 55,120 രൂപയായി ഉയര്ന്ന് സ്വര്ണവില പുതിയ ഉയരം കുറിച്ചിരുന്നു. 55,000 തൊട്ട സ്വര്ണവില കുറഞ്ഞത് ആഭരണം വാങ്ങാനായി കാത്തിരുന്നവര്ക്ക് വലിയ ആശ്വാസമാണ്. മാത്രമല്ല, സ്വര്ണത്തില് നിക്ഷേപിക്കുന്നവര്ക്കും ഇതൊരു അവസരമാണ്. ഓഹരി വിപണിയിലെ മുന്നേറ്റവും അന്താരാഷ്ട്ര വിപണിയിലെ ചലനങ്ങളുമാണ് സ്വര്ണവിലയില് പ്രതിഫലിക്കുന്നത്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് പേര് എത്തുന്നതാണ് സ്വര്ണവില ഇപ്പോഴും 50,000ന് മുകളില് നില്ക്കാന് കാരണം. മാര്ച്ച് 29ന് ആണ് സ്വര്ണവില ആദ്യമായി 50,000 കടന്നത്.
ഓള് കേരള ഗോള്ഡ് ആന്ഡ് സില്വര് മര്ച്ചന്റ്സ് അസോസിയേഷന്' സംസ്ഥാന കമ്മിറ്റി നിശ്ചയിച്ചിട്ടുള്ള മൂന്ന് അംഗ കമ്മിറ്റിയാണ് സംസ്ഥാനത്ത് സ്വര്ണ വില നിശ്ചയിക്കുന്നത്. ഓരോ ദിവസത്തെയും ഡോളര് വില, രൂപയുടെ വിനിമയ നിരക്ക്, രാജ്യാന്തര വിലയ്ക്കനുസരിച്ച് ഇന്ത്യയില് 24 കാരറ്റ് സ്വര്ണത്തിന്റെ ബാങ്ക് നിരക്ക്, മുംബൈയില് ലഭ്യമാകുന്ന സ്വര്ണത്തിന്റെ നിരക്കുകള് ഇതെല്ലാം അവലോകനം ചെയ്താണ് ഓരോ ദിവസത്തെയും സ്വര്ണവില ഇവര് നിശ്ചയിക്കുന്നത്.
