LIVE TV
രാജ്യാന്തര ബിസിനസ്സ് ചെയ്യുന്ന കമ്പനികൾ നേരിടുന്ന ഏറ്റവും വലിയ വെല്ലുവിളിയാണ് പണം കൈമാറുന്നതിലെ കാലതാമസവും സങ്കീർണ്ണതയും. ഈ ഒരു പ്രശ്നത്തിന് പരിഹാരമായി UQPAY എത്തിയിരിക്കുകയാണ്. പഴയ ബാങ്കിംഗ് രീതിയെയും പുതിയ ബ്ലോക്ക്ചെയിൻ സാങ്കേതികവിദ്യയെയും കൂട്ടിയോജിപ്പിച്ചിരിക്കുന്ന ഒരു രീതിയാണ് ഇത്. ലോകത്തെവിടെയും സുരക്ഷിതമായും വേഗത്തിലും പണം അയയ്ക്കാനും സ്വീകരിക്കാനും ഇത് വഴി സാധിക്കും.
ബാങ്കിംഗ് സേവനങ്ങളെ ഡിജിറ്റൽ ലോകവുമായി ബന്ധിപ്പിക്കുന്ന UQPAY ഒരു ഫിൻടെക് കമ്പനിയാണ്.സിംഗപ്പൂർ ആസ്ഥാനമായി പ്രവർത്തിക്കുന്ന ഒരു പ്രമുഖ ഫിൻടെക് കമ്പനിയായ UQPAY Technology Co. Ltd ആണ് ഈ സേവനം നേരിട്ട് നൽകുന്നത്. ലളിതമായി പറഞ്ഞാൽ, ഒരു ബാങ്ക് പ്രവർത്തിക്കുന്നത് പോലെ എന്നാൽ പൂർണ്ണമായും ഡിജിറ്റൽ സാങ്കേതികവിദ്യയിൽ അധിഷ്ഠിതമായ ഒരു സ്ഥാപനമാണിത്. സിംഗപ്പൂരിലെ സെൻട്രൽ ബാങ്കായ മോണിറ്ററി അതോറിറ്റി സിംഗപ്പൂരിന്റെ ലൈസൻസോടെയാണ് ഇവർ പ്രവർത്തിക്കുന്നത്. അതിനാൽ തന്നെ ഇവരുടെ പണമിടപാടുകൾ നിയമപരവും സുരക്ഷിതവുമാണ്.
നമ്മൾ ഗൂഗിൾ പേ ഉപയോഗിച്ച് പണം അയക്കുന്നത് പോലെ, വലിയ കമ്പനികൾക്ക് ലോകത്തിന്റെ വിവിധ ഭാഗങ്ങളിലേക്ക് വളരെ വേഗത്തിൽ പണം അയക്കാനും സ്വീകരിക്കാനും ഉള്ള സൗകര്യമാണ് UQPAY ഒരുക്കുന്നത്.UQPAY അവരുടെ സേവനങ്ങൾ കൃത്യമായി നൽകുന്നതിനായി ലോകത്തിലെ പ്രമുഖ സാമ്പത്തിക സ്ഥാപനങ്ങളുമായി ചേർന്ന് പ്രവർത്തിക്കുന്നു:
വിസ , മാസ്റ്റർകാർഡ്
സ്വന്തമായി കാർഡുകൾ ഇഷ്യൂ ചെയ്യുന്നതിനായി ഇവർ ഈ കമ്പനികളുമായി സഹകരിക്കുന്നു.വീചാറ്റ് പേ, ആലിപ്പേ ഏഷ്യൻ വിപണിയിലെ പണമിടപാടുകൾക്കായി ഇവർ ഈ സ്ഥാപനങ്ങളുമായും ചേർന്ന് പ്രവർത്തിക്കുന്നു. ആമസോൺ പോലുള്ള ഓൺലൈൻ വ്യാപാര വെബ്സൈറ്റുകൾക്ക് പണം സ്വീകരിക്കാൻ ഇവരുടെ സേവനം ഉപയോഗിക്കാം.ചില ബാങ്കുകൾ പോലും തങ്ങളുടെ വിദേശ പണമിടപാടുകൾ വേഗത്തിലാക്കാൻ UQPAY-യുടെ സാങ്കേതികവിദ്യ കടമെടുക്കാറുണ്ട്.
രണ്ട് രീതികൾ
സാധാരണയായി വിദേശത്തേക്ക് പണം അയയ്ക്കുമ്പോഴോ സ്വീകരിക്കുമ്പോഴോ ബാങ്കുകൾ വഴിയുള്ള സങ്കീർണ്ണമായ നടപടികൾ നേരിടേണ്ടി വരാറുണ്ട്. എന്നാൽ UQPAY ഇത് ലളിതമാക്കാൻ രണ്ട് രീതിയിലുള്ള സംവിധാനങ്ങൾ ഒരേ പ്ലാറ്റ്ഫോമിൽ കൊണ്ടുവന്നിരിക്കുന്നു.
പരമ്പരാഗത രീതിയിലും, ഡിജിറ്റൽ പണം ഉപയോഗിച്ചും ഇടപാടുകൾ നടത്താം.നമ്മൾ സാധാരണ ഉപയോഗിക്കുന്ന രൂപ, ഡോളർ തുടങ്ങിയ കറൻസികൾ ഉപയോഗിച്ച് ഇടപാടുകൾ നടത്താം. 200-ലധികം രാജ്യങ്ങളിൽ ഇടപാട് നടത്താൻ ഈ ഒരു പ്ലാറ്റ്ഫോം മതി. ഓരോ രാജ്യത്തും പോയി ബാങ്ക് അക്കൗണ്ട് തുടങ്ങേണ്ടകാര്യമില്ല.
അതുപോലെ ഡോളറിന് തുല്യമായ മൂല്യമുള്ള ഡിജിറ്റൽ പണം ഉപയോഗിച്ചതും ഇടപാടുകൾ നടത്താം.സാധാരണ ബാങ്കുകൾ വഴി വിദേശത്തേക്ക് പണം അയച്ചാൽ അത് അവിടെ എത്താൻ ദിവസങ്ങൾ എടുത്തേക്കാം. എന്നാൽ UQPAY ഉപയോഗിച്ചാൽ മിനിറ്റുകൾക്കുള്ളിൽ
പണം കൈമാറാം. ബാങ്കുകൾ ഈടാക്കുന്ന വലിയ സർവീസ് ചാർജുകൾ ഇതിലൂടെ ഒഴിവാക്കാം.
ആർക്ക് ഗുണം?
വിദേശത്തേക്ക് സാധനങ്ങൾ കയറ്റുമതി ചെയ്യുന്നവർ , വിദേശത്തുള്ള കമ്പനികളുമായി ചേർന്ന് പ്രവർത്തിക്കുന്നവർ, ഓൺലൈൻ ബിസിനസ്സ് നടത്തുന്നവർ എന്നിവർക്ക് ഇത് വലിയ ലാഭവും സൗകര്യവുമാണ്. ബാങ്കുകളുടെ പഴയ രീതിയും പുതിയ കാലത്തെ ഡിജിറ്റൽ സാങ്കേതികവിദ്യയും ഒന്നിച്ച് ചേർത്ത് പണമിടപാടുകൾ എളുപ്പമാക്കുന്ന ഒരു "ഇന്റർനാഷണൽ ഡിജിറ്റൽ വാലറ്റ്" ആണ് UQPAY.
ഈ രണ്ട് രീതികളെയും ഒന്നിച്ച് ചേർക്കുന്ന ഒരു 'പാലം' പോലെയാണ് UQPAY പ്രവർത്തിക്കുന്നത്.
പല രാജ്യങ്ങളിലെ നിയമങ്ങളും ബാങ്കിംഗ് രീതികളും വ്യത്യസ്തമാണ്. ഇത് ബിസിനസ്സുകൾക്ക് വലിയ തലവേദനയുണ്ടാക്കാറുണ്ട്. എന്നാൽ UQPAY ഈ എല്ലാ ഇടപാടുകളെയും ഒരൊറ്റ ചട്ടക്കൂടിനുള്ളിൽ കൊണ്ടുവരുന്നു. പല ഏജൻസികളെയും ബാങ്കുകളെയും ഒഴിവാക്കി നേരിട്ട് ഇടപാട് നടത്തുന്നത് വഴി സർവീസ് ചാർജുകൾ ഗണ്യമായി കുറയ്ക്കാം.
അന്താരാഷ്ട്ര ബിസിനസ്സ് ചെയ്യുന്ന കമ്പനികൾ നേരിടുന്ന ഏറ്റവും വലിയ വെല്ലുവിളിയാണ് പണം കൈമാറുന്നതിലെ കാലതാമസവും സങ്കീർണ്ണതയും. UQPAY ഈ പ്രശ്നത്തിന് പരിഹാരമായി പഴയ ബാങ്കിംഗ് രീതിയെയും പുതിയ ബ്ലോക്ക്ചെയിൻ സാങ്കേതികവിദ്യയെയും കൂട്ടിയോജിപ്പിച്ചിരിക്കുന്നു. ഇത് വഴി ലോകത്തെവിടെയും സുരക്ഷിതമായും വേഗത്തിലും പണം അയയ്ക്കാനും സ്വീകരിക്കാനും
സാധിക്കും.
Content Highlights :Quinance Unveils Qpay Protocol - The First Hashtag-Based Payment System in the World
