Get the latest news at
your fingertips!
Download our app now
LIVE TV
Search
ന്യൂഡല്ഹി: ചെങ്കോട്ടയ്ക്ക് സമീപമുണ്ടായ സ്ഫോടനത്തിന് പിന്നില് പ്രവര്ത്തിച്ചവരെ വെറുതെ വിടില്ലെന്ന് പ്രധാനമന്ത്രി നരേന്ദ്ര മോദി. രാത്രിമുഴുവന് സാഹചര്യം വിലയിരുത്തി. എല്ലാ കുറ്റവാളികളെയും പിടികൂടുമെന്നും കടുത്ത നടപടി ഉണ്ടാകുമെന്നും അദ്ദേഹം കൂട്ടിച്ചേര്ത്തു. ഗൂഢാലോചനയുടെ കേന്ദ്രം കണ്ടെത്തുമെന്നും പ്രധാനമന്ത്രി വ്യക്തമാക്കി. ഭൂട്ടാന് സന്ദര്ശത്തിനിടെ സംസാരിക്കുകയായിരുന്നു അദ്ദേഹം.
വളരെ ഭാരിച്ച ഹൃദയത്തോടെയാണ് താനിന്നിവിടെ വന്നതെന്ന് പറഞ്ഞ മോദി ഡല്ഹിയില് നടന്ന ഭയാനകമായ സംഭവം എല്ലാവരെയും ദുഃഖിപ്പിച്ചുവെന്നും കൂട്ടിച്ചേര്ത്തു. 'ദുരിതം ബാധിച്ച കുടുംബങ്ങളുടെ ദുഃഖം ഞാന് മനസിലാക്കുന്നു. ഇരകള്ക്ക് നീതി ഉറപ്പാക്കും', മോദി പറഞ്ഞു. സംഭവത്തെക്കുറിച്ച് അന്വേഷിക്കുന്ന എല്ലാ ഏജന്സികളുമായും ഇന്നലെ രാത്രി ബന്ധപ്പെട്ടിരുന്നുവെന്നും പ്രധാനമന്ത്രി പറഞ്ഞു.
ചെങ്കോട്ടയില് സ്ഫോടനം നടത്തിയവരെ നിയമത്തിന് മുന്നില്കൊണ്ടുവരുമെന്നും
അവരെ വെറുതെ വിടില്ലെന്നും കേന്ദ്ര പ്രതിരോധ മന്ത്രി രാജ്നാഥ് സിംഗും വ്യക്തമാക്കി. അന്വേഷണത്തിന്റെ വിശദാംശങ്ങള്പുറത്തുവിടുമെന്നും അദ്ദേഹം കൂട്ടിച്ചേര്ത്തു.
'ഇന്നലെ ഡല്ഹിയില് നടന്ന ദാരുണമായ സംഭവത്തില് ജീവന് നഷ്ടപ്പെട്ടവര്ക്ക് എന്റെ ഹൃദയംഗമമായ അനുശോചനം അറിയിക്കുന്നു. അവരുടെ കുടുംബങ്ങള്ക്ക് ശക്തിയും ആശ്വാസവും നല്കണമെന്ന് ദൈവത്തോട് പ്രാര്ത്ഥിക്കുന്നു. സംഭവത്തില് രാജ്യത്തെ മുന്നിര അന്വേഷണ ഏജന്സികള് വേഗത്തിലും സമഗ്രവുമായ അന്വേഷണം നടത്തുന്നുണ്ടെന്ന് പൗരന്മാര്ക്ക് ഞാന് ഉറപ്പ് നല്കുന്നു. അന്വേഷണത്തിന്റെ കണ്ടെത്തലുകള് ഉടന് പുറത്തുവിടും. ഈ ദുരന്തത്തിന് ഉത്തരവാദികളായവരെ നിയമത്തിന് മുന്നില് കൊണ്ടുവരും. ഒരു സാഹചര്യത്തിലും അവരെ വെറുതെ വിടില്ല,' രാജ്നാഥ് സിംഗ് പറഞ്ഞു.
Content Highlights: PM Modi vows action over Delhi blast
