LIVE TV
പാലക്കാട്: ആശുപത്രി മാലിന്യവുമായി പോവുകയായിരുന്ന ലോറി ഇടിച്ചുകയറി വിദ്യാര്ത്ഥിക്ക് ദാരുണാന്ത്യം. പാലക്കാട് മുണ്ടൂര് ഒമ്പതാം മൈയിലാണ് സംഭവം നടന്നത്. മുണ്ടൂര് യുവക്ഷേത്ര കോളേജിലെ രണ്ടാംവര്ഷ ബിസിഎ വിദ്യാര്ത്ഥിയും പാലക്കാട് പറക്കുളം സ്വദേശിയുമായ മുഹമ്മദ് ഫര്ഹാനാണ് മരിച്ചത്. മൂന്ന് വിദ്യാര്ത്ഥിക്ക് അപകടത്തില് പരിക്കേറ്റു. ഇതില് ഒരാളുടെ നില അതീവ ഗുരുതരമാണ്. ഈ വിദ്യാര്ത്ഥിയെ പാലക്കാട്ടെ സ്വകാര്യ ആശുപത്രിയിലേക്ക് മാറ്റി.
ഇന്ന് ഉച്ചയോടെയായിരുന്നു സംഭവം നടന്നത്. നടന്നുപോകുകയായിരുന്ന വിദ്യാര്ത്ഥികള്ക്കിടയിലേക്കാണ് ലോറി ഇടിച്ചുകയറിയത്. ഉടന് തന്നെ വിദ്യാര്ത്ഥികളെ പാലക്കാട് ജില്ലാ ആശുപത്രിയില് പ്രവേശിപ്പിച്ചു. ചികിത്സയ്ക്കിടെയായിരുന്നു മുഹമ്മദ് ഫര്ഹാന് മരിച്ചത്. ലോറി ഇടിച്ച് പ്രദേശവാസിയായ വ്യക്തിക്കും പരിക്കേറ്റിട്ടുണ്ട്.
Content Highlights- A student died in a road accident after being hit by a lorry transporting hospital waste in Palakkad
