LIVE TV
പാലക്കാട്: സിപിഐഎം വിട്ട പാലക്കാട് മുൻ ജില്ലാ സെക്രട്ടേറിയറ്റ് അംഗം പി കെ ശശി കോൺഗ്രസിന്റെ കൈപ്പത്തി ചിഹ്നത്തിൽ മത്സരിക്കും. നേരത്തെ സ്വതന്ത്ര സ്ഥാനാർത്ഥിയായി മത്സരിക്കുമെന്നാണ് അറിയിച്ചിരുന്നത്. എന്നാൽ ഒറ്റപ്പാലത്തുനിന്നും യുഡിഎഫ് പിന്തുണയിൽ മത്സരിക്കുന്ന പി കെ ശശിക്ക് കൈപ്പത്തി ചിഹ്നം അനുവദിക്കാനാണ് തീരുമാനം. കോൺഗ്രസിലെ ഒരു വിഭാഗത്തിന്റെ ആവശ്യം പരിഗണിച്ചാണ് ശശിയെ കൈപ്പത്തി ചിഹ്നത്തിൽ മത്സരിപ്പിക്കാനുള്ള തീരുമാനം.
സിപിഐഎം സംസ്ഥാന സെക്രട്ടറിക്കും ജില്ലാ സെക്രട്ടറിക്കുമെതിരെ അടക്കം രൂക്ഷ വിമർശനം ഉന്നയിച്ച് രംഗത്തെത്തിയതിന് പിന്നാലെ പി കെ ശശിയെ സിപിഐഎം പ്രാഥമിക അംഗത്വത്തിൽ പുറത്താക്കിയിരുന്നു. തൊട്ടുപിന്നാലെ പാർട്ടി നടപടിയോട് പ്രതികരിച്ച് പി കെ ശശിയും രംഗത്തെത്തിയിരുന്നു.
നിലവിൽ ശശിക്കായി മണ്ഡലത്തിൽ സ്ഥാപിച്ചിട്ടുള്ള ഫ്ളക്സ് ബോർഡുകളിലെല്ലാം യുഡിഎഫ് സ്ഥാനാർത്ഥി എന്നാണ് നൽകിയിട്ടുള്ളത്. കഴിഞ്ഞ ദിവസം ശശിയുടെ റോഡ് ഷോയിലും ബോർഡുകളിലൊന്നും തന്നെ ചിഹ്നം പ്രദർശിപ്പിച്ചിരുന്നില്ല.
Content Highlights: Former CPIM leader PK Sasi, will contest under the Congress symbol at Ottapalam
