Get the latest news at
your fingertips!
Download our app now
LIVE TV
Search
കോഴിക്കോട്: റിപ്പോര്‍ട്ടര്‍ ടിവിക്കെതിരെ നടന്ന അക്രമം അപലപനീയമെന്ന് ഡിവൈഎഫ്ഐ സംസ്ഥാന പ്രസിഡന്റ് വി വസീഫ്. സൈബര്‍ ലോകത്ത് വിഹരിച്ചിരുന്ന ക്രിമിനലുകള്‍ ഇപ്പോള്‍ നാട്ടിലും ഇറങ്ങിയെന്നും ഇവരെ കോണ്‍ഗ്രസ് നിലക്ക് നിര്‍ത്തണമെന്നും വി വസീഫ് ഫേസ്ബുക്കില്‍ കുറിച്ചു.
തങ്ങള്‍ക്കിഷ്ടപ്പെടാത്ത കാര്യങ്ങള്‍ റിപ്പോര്‍ട്ട് ചെയ്താല്‍ മാധ്യമ പ്രവര്‍ത്തകരെ കായികമായി നേരിടുന്നവരായി ഷാഫിയുടെയും മാങ്കൂട്ടത്തിലിന്റെയും ഗൂഢ സംഘം മാറിയ കാഴ്ചയാണിന്ന് കണ്ടതെന്ന് വി വസീഫ് പറഞ്ഞു. അവരുടെ നെറികേടുകള്‍ ലോകത്തിന് മുന്നില്‍ എത്തിച്ചതിനാണ് റിപ്പോര്‍ട്ടര്‍ ടിവിയെ ഷാഫിയുടെയും മാങ്കൂട്ടത്തലിന്റെയും അനുയായികള്‍ ടാര്‍ജന്റ് ചെയ്യുന്നതെന്നും വസീഫ് അഭിപ്രായപ്പെട്ടു. രാഹുല്‍ മാങ്കൂട്ടത്തില്‍ രാജിവെച്ചാല്‍ തിരുവനന്തപുരത്തെ റിപ്പോര്‍ട്ടര്‍ ടിവിയുടെ ഓഫീസ് ആക്രമിക്കും എന്ന് യൂത്ത് കോണ്‍ഗ്രസ് നേതാവിന്റെ പരസ്യ ഭീഷണിയും ഇതിനോട് ചേര്‍ത്ത് വായിക്കേണ്ടതാണ്. സൈബര്‍ ലോകത്ത് വിഹരിച്ചിരുന്ന യൂത്ത് കോണ്‍ഗ്രസിന്റെ ഈ ക്രിമിനല്‍ കൂട്ടം ഇപ്പോള്‍ നാട്ടിലേക്ക് ഇറങ്ങിയിരിക്കുകയാണ്. ഇത്തരം ക്രിമിനലുകളെ നിലക്ക് നിര്‍ത്താന്‍ കോണ്‍ഗ്രസ് തയ്യാറായില്ലെങ്കില്‍ അവരെ നിലക്ക് നിര്‍ത്താനുള്ള ഉത്തരവാദിത്വം ജനാധിപത്യ കേരളം ഏറ്റെടുക്കും. സ്വതന്ത്ര മാധ്യമ പ്രവര്‍ത്തനം നടത്താനുള്ള അവകാശത്തെ ഈ നാട് ഒറ്റക്കെട്ടായി സംരക്ഷിക്കുമെന്നും വസീഫ് കൂട്ടിച്ചേര്‍ത്തു.
ഫേസ്ബുക്ക് പോസ്റ്റിന്റെ പൂര്‍ണരൂപം
റിപ്പോര്‍ട്ടര്‍ ടി.വിക്കെതിരായ അക്രമം അപലപനീയം
സൈബര്‍ ലോകത്ത് വിഹരിച്ചിരുന്ന ക്രിമിനലുകള്‍ ഇപ്പോള്‍ നാട്ടിലും ഇറങ്ങി, ഇവരെ കോണ്‍ഗ്രസ് നിലക്ക് നിര്‍ത്തണം. തങ്ങള്‍ക്കിഷ്ടപ്പെടാത്ത കാര്യങ്ങള്‍ റിപ്പോര്‍ട്ട് ചെയ്താല്‍ മാധ്യമപ്രവര്‍ത്തകരെ കായികമായി നേരിടുന്നവരായി ഷാഫിയുടെയും മാങ്കൂട്ടത്തിലിന്റെയും ഗൂഢ സംഘം മാറിയ കാഴ്ചയാണിന്ന് കണ്ടത്. അവരുടെ നെറികേടുകള്‍ ലോകത്തിന് മുന്നില്‍ എത്തിച്ചതിനാണ് റിപ്പോര്‍ട്ടര്‍ ടിവിയെ ഷാഫിയുടെയും മാങ്കൂട്ടത്തലിന്റെയും അനുയായികള്‍ ടാര്‍ജന്റ് ചെയ്യുന്നത്. രാഹുല്‍ മാങ്കൂട്ടത്തില്‍ രാജിവെച്ചാല്‍ തിരുവനന്തപുരത്തെ റിപ്പോര്‍ട്ടര്‍ ടിവി ഓഫീസ് അക്രമിക്കും എന്ന് യൂത്ത് കോണ്‍ഗ്രസ് നേതാവിന്റെ പരസ്യ ഭീഷണിയും ഇതിനോട് ചേര്‍ത്ത് വായിക്കേണ്ടതാണ്. സൈബര്‍ ലോകത്ത് വിഹരിച്ചിരുന്ന യൂത്ത് കോണ്‍ഗ്രസിന്റെ ഈ ക്രിമിനല്‍ കൂട്ടം ഇപ്പോള്‍ നാട്ടിലേക്ക് ഇറങ്ങിയിരിക്കുകയാണ്. ഇത്തരം ക്രിമിനലുകളെ നിലക്ക് നിര്‍ത്താന്‍ കോണ്‍ഗ്രസ് തയ്യാറായില്ലെങ്കില്‍ അവരെ നിലക്ക് നിര്‍ത്താനുള്ള ഉത്തരവാദിത്വം ജനാധിപത്യ കേരളം ഏറ്റെടുക്കും. സ്വതന്ത്ര മാധ്യമ പ്രവര്‍ത്തനം നടത്താനുള്ള അവകാശത്തെ ഈ നാട് ഒറ്റക്കെട്ടായി സംരക്ഷിക്കും.
കോഴിക്കോട് റിപ്പോര്‍ട്ടര്‍ ടിവി സംഘത്തിനെതിരെ കയ്യേറ്റശ്രമം നടന്നിരുന്നു. മേപ്പയൂരിലും പേരാമ്പ്രയിലുമാണ് കോണ്‍ഗ്രസ് പ്രവര്‍ത്തകര്‍ റിപ്പോര്‍ട്ടര്‍ മാധ്യമ സംഘത്തെ കയ്യേറ്റം ചെയ്യാന്‍ ശ്രമിച്ചത്. പേരാമ്പ്രയില്‍ റിപ്പോര്‍ട്ടര്‍ ടിവിയുടെ വാഹനം അടിച്ച് നശിപ്പിക്കാനും ശ്രമമുണ്ടായി. ഇന്ന് വടകരയില്‍ ഷാഫി പറമ്പില്‍ എംപിക്കെതിരെ ഡിവൈഎഫ്ഐ വലിയരീതിയില്‍ പ്രതിധേഷം നടത്തിയിരുന്നു. വടകര ടൗണ്‍ ഹാളില്‍ നിന്ന് പരിപാടി കഴിഞ്ഞ് മടങ്ങുന്നതിനിടെയായിരുന്നു സംഭവം. കാറില്‍ നിന്ന് ഇറങ്ങിയ ഷാഫി പറമ്പിലും ഡിവൈഎഫ്ഐ പ്രവര്‍ത്തകരും തമ്മില്‍ വാക്കേറ്റമുണ്ടായിരുന്നു. വന്‍ പൊലീസ് സംഘമെത്തിയാണ് സംഘര്‍ഷത്തിലേയ്ക്ക് പോകാന്‍ ഇടയുണ്ടായിരുന്ന സാഹചര്യത്തെ തണുപ്പിച്ചത്. ഇതിന് ശേഷം മേപ്പയൂരിലും പേരാമ്പ്രയിലും ഷാഫിയുടേതായി രണ്ട് പരിപാടികള്‍ നടക്കാനുണ്ടായിരുന്നു. ഈ പരിപാടികള്‍ റിപ്പോര്‍ട്ട് ചെയ്യാനെത്തിയപ്പോഴായിരുന്നു റിപ്പോര്‍ട്ടര്‍ സംഘത്തിന് നേരെ കയ്യേറ്റശ്രമം നടന്നത്.
പരിപാടി റിപ്പോര്‍ട്ട് ചെയ്യുന്നതിനായി റിപ്പോര്‍ട്ടര്‍ ടിവിയുടെ കോഴിക്കോട് റിപ്പോര്‍ട്ടര്‍ അഭിജിത്തായിരുന്നു എത്തിയത്. അഭിജിത്തിനൊപ്പം ക്യാമറാമാന്‍ ഖുബൈര്‍ ഫൈസി, ഡ്രൈവര്‍ അഖില്‍ എന്നിവരുമുണ്ടായിരുന്നു. മേപ്പയൂരിലെ പരിപാടി റിപ്പോര്‍ട്ട് ചെയ്യാനായിരുന്നു സംഘം ആദ്യം എത്തിയത്. റിപ്പോര്‍ട്ടറും മറ്റൊരു ചാനലും മാത്രമായിരുന്നു റിപ്പോര്‍ട്ടിംഗിന് എത്തിയത്. ഷാഫി പറമ്പില്‍ എത്തിയ സമയത്ത് പ്രതികരണം തേടുന്നതിനായി അഭിജിത്തും ഖുബൈറും ശ്രമിച്ചപ്പോള്‍ കോണ്‍ഗ്രസ് പ്രവര്‍ത്തകര്‍ തടയുകയും അവിടേയ്ക്ക് പോകാന്‍ പറ്റില്ലെന്ന് പറഞ്ഞ് അസഭ്യം പറയുകയുമായിരുന്നു. ഇതിന് ശേഷം റിപ്പോര്‍ട്ടര്‍ സംഘം പേരാമ്പ്രയിലെ പരിപാടി റിപ്പോര്‍ട്ട് ചെയ്യുന്നതിനായി എത്തി. ഇവിടെയും സമാന സാഹചര്യമായിരുന്നു. റിപ്പോര്‍ട്ടറിന്റെ ഡ്രൈവര്‍ അഖിലിനോട് കോണ്‍ഗ്രസ് പ്രവര്‍ത്തകര്‍ അസഭ്യവര്‍ഷം നടത്തി. ഇതുമായി ബന്ധപ്പെട്ട് അവിടെയുണ്ടായിരുന്ന കോണ്‍ഗ്രസ് നേതാക്കളോട് പരാതിപ്പെട്ടു. പിന്നാലെ പേരാമ്പ്ര ബസ് സ്റ്റാന്‍ഡ് പരിസരത്തേയ്ക്ക് മാറി നില്‍ക്കാനുള്ള ശ്രമത്തിനിടെ റിപ്പോര്‍ട്ടര്‍ സംഘത്തിന്റെ കാറിന് ചുറ്റും ആളുകള്‍ കൂടുകയും വാഹനത്തിലും ഗ്ലാസിലുമെല്ലാം ശക്തിയായി അടിക്കുയുമായിരുന്നു. തുടര്‍ന്ന് പൊലീസ് ഇടപെട്ട് റിപ്പോര്‍ട്ടര്‍ സംഘത്തെ ബസ് സ്റ്റാന്‍ഡ് പരിസരത്തേയ്ക്ക് മാറ്റി നിര്‍ത്തി. അക്രമികള്‍ക്കെതിരെ കര്‍ശന നടപടി വേണമെന്ന് ആവശ്യപ്പെട്ട് സംസ്ഥാന പൊലീസ് മേധാവിക്ക് റിപ്പോര്‍ട്ടര്‍ ടിവി പരാതി നല്‍കും. നിര്‍ഭയമാധ്യമ പ്രവര്‍ത്തനം നടത്തുന്നതിന് ആവശ്യമായ സുരക്ഷയൊരുക്കണമെന്നും പരാതിയില്‍ ഡിജിപിയോട് ആവശ്യപ്പെടും.
Content Highlights- Dyfi state president v vaseef support reporter tv over congress workers attack in kozhikode
