LIVE TV
കൊല്ലം: കൊല്ലത്ത് 26-കാരിയെ വീട്ടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. പൂയപ്പള്ളി റോഡുവിള സ്വദേശി ലിബിനയെ ആണ് വീട്ടിനുള്ളില്‍ മരിച്ച നിലയില്‍ കണ്ടെത്തിയത്. ആത്മഹത്യയാകാമെന്നാണ് പൊലീസിന്‌റെ പ്രാഥമിക നിഗമനം.
വീട്ടിലെ കിടപ്പുമുറിയില്‍ ലിബിനയെ തൂങ്ങിമരിച്ച നിലയിലാണ് കണ്ടെത്തിയത്. അവിവാഹിതയായ ലിബിനയ്ക്ക് വീട്ടുകാര്‍ അടുത്തിടെയായി വിവാഹാലോചനകള്‍ നോക്കിവരികയായിരുന്നു. മരണത്തില്‍ ദുരൂഹതയില്ലെന്നാണ് പൊലീസിന്‌റെ പ്രാഥമിക നിഗമനം. ലിബിനയുടെ മരണത്തില്‍ പൂയപ്പള്ളി പൊലീസ് അന്വേഷണം ആരംഭിച്ചു.
(ജീവിതത്തിലെ വിഷമസന്ധികള്‍ക്ക് ആത്മഹത്യയല്ല പരിഹാരം. സമ്മര്‍ദ്ദങ്ങള്‍ അതിജീവിക്കാന്‍ സാധിച്ചേക്കില്ലെന്ന ആശങ്കയുണ്ടാകുമ്പോള്‍ മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. 1056 എന്ന നമ്പറില്‍ വിളിക്കൂ, ആശങ്കകള്‍ പങ്കുവെയ്ക്കൂ)
content highlights: 26-year-old woman found dead inside her home in Kollam
