Get the latest news at
your fingertips!
Download our app now
LIVE TV
Search
തിരുവനന്തപുരം: ശബരിമല വിമാനത്താവളത്തിനായി ഭൂമിയേറ്റെടുക്കുന്നതിന് വിജ്ഞാപനം ഇറക്കി സംസ്ഥാന സർക്കാർ. 1000.28 ഹെക്ടർ ഭൂമിയാണു സർക്കാർ ഏറ്റെടുക്കുന്നത്. ഭൂരേഖകളുടെ പുതുക്കലിലോ ഏറ്റെടുക്കാൻ ഉദ്ദേശിക്കുന്ന സ്ഥലത്തിന്റെ ഉടമസ്ഥതയിലോ ആക്ഷേപം ഉള്ളവർ 15 ദിവസത്തിനുള്ളിൽ അറിയിക്കണമെന്ന് വിജ്ഞാപനത്തിൽ വ്യക്തമാക്കുന്നു. പ്രദേശത്ത് ബിസിനസ് നടത്തുന്നവര്ക്കും വീട് നഷ്ടമാകുന്ന കുടുംബങ്ങൾക്കും വ്യക്തികൾക്കും മതിയായ നഷ്ടപരിഹാരം ഉറപ്പാക്കുമെന്ന് വിജ്ഞാപനത്തിലുണ്ട്.
കൊച്ചി വാട്ടർ മെട്രോയുടെ നാല് ടെർമിനലുകൾ പിണറായി വിജയൻ ഉദ്ഘാടനം ചെയ്യുംഏറ്റെടുക്കുന്ന സ്ഥലങ്ങളുടെ വിവരങ്ങള് ദിവസങ്ങള്ക്ക് മുന്പ് റവന്യു വകുപ്പ് ജില്ലാ കലക്ടര്ക്ക് കൈമാറിയിട്ടുണ്ട്. 47 സര്വേ നമ്പരുകളില് നിന്നായി 441 കൈവശങ്ങളാണ് ഏറ്റെടുക്കുന്നത്. എരുമേലി തെക്ക്, മണിമല വില്ലേജുകളിലെ 19, 21,22, 23 ബ്ലോക്കുകളില് ഉള്പ്പെട്ട സ്ഥലങ്ങളാണ് ഏറ്റെടുക്കുന്നത്. എരുമേലി തെക്ക് വില്ലേജിലെ ബ്ലോക്ക് നമ്പര് 22 ല് ഉള്പ്പെട്ട 281, 282, 283 സര്വേ നമ്പരുകള് കൂടാതെ മണിമല വില്ലേജിലെ ബ്ലോക്ക് നമ്പര് 21 ല് ഉള്പ്പെട്ട 299 സര്വേ നമ്പരില് ഉള്പ്പെട്ട 2264.09 ഏക്കര് സ്ഥലമാണ് ചെറുവള്ളി എസ്റ്റേറ്റില് നിന്ന് ഏറ്റെടുക്കുന്നത്.
