LIVE TV
ലോകകപ്പ് കിരീടത്തിൽ സ്പാനിഷ് പട രണ്ടാം തവണ മുത്തമിട്ടപ്പോൾ അർജന്റീനയെ വേട്ടയാടുന്നത് പതിറ്റാണ്ടുകളായി തുടരുന്ന ‘ലോകകപ്പ് ശാപം’. ഫിഫ റാങ്കിങ്ങിലെ ഒന്നാം സ്ഥാനക്കാർ ഇതുവരെ കിരീടം നേടിയിട്ടില്ലെന്ന ദുഷ്പേര് ഇനി മെസ്സിപ്പടയെയും പിന്തുടരും.
1993ൽ ഫിഫ ടീമുകളുടെ റാങ്കിങ് ആരംഭിച്ചതു മുതൽ, ലോകകപ്പിന് ആരംഭിക്കുമ്പോൾ ഒന്നാം സ്ഥാനത്തുണ്ടായിരുന്ന ഒരു ടീമും പിന്നീട് കിരീടം നേടിയിട്ടില്ല. ഇത്തവണയും അതിൽ മാറ്റമുണ്ടായില്ല. എക്സ്ട്രാ ടൈമിൽ നേടിയ ഗോളിലൂടെയാണ് അർജന്റീനയെ സ്പെയിൻ തകർത്തത്. 2010നു ശേഷം ആദ്യമായാണ് സ്പെയിൻ ലോകകപ്പ് നേടുന്നത്.
ഈ ലോകകപ്പിനെത്തുമ്പോൾ അർജന്റീന ഫിഫ റാങ്കിങ്ങിൽ ഒന്നാം സ്ഥാനത്തായിരുന്നു. ടൂർണമെന്റിനിടെ ഇടയ്ക്ക് രണ്ടാമതായെങ്കിലും ഫൈനലിന് മുൻപ് വീണ്ടും ഒന്നാമതെത്തി. എന്നാൽ ഇപ്പോഴിതാ, കലാശപ്പോരിൽ രണ്ടാം സ്ഥാനക്കാരായ സ്പെയിനിനു മുന്നിൽ അർജന്റീന മുട്ടുമടക്കി.
2022ൽ അർജന്റീന കിരീടം നേടിയെങ്കിലും അപ്പോൾ ഫിഫ റാങ്കിങ്ങിൽ മൂന്നാം സ്ഥാനത്തായിരുന്നു. ലോകകപ്പ് കിരീടം നേടിയ ശേഷവും അവർ രണ്ടാമതായിരുന്നു. ഒന്നാം സ്ഥാനത്ത് ബ്രസീലായിരുന്നു.
ലോകകപ്പ് കിരീട നേട്ടത്തിനു ശേഷം 2023ലാണ് അർജന്റീന ഒന്നാമതെത്തിയത്. ലോകകപ്പ് ചരിത്രത്തിലെ മറ്റൊരു അപൂർവതയും ഈ ഫൈനലിലുണ്ടായിരുന്നു. ലോകകപ്പിൽ ആദ്യമായാണ് ഫിഫ റാങ്കിങ്ങിൽ ഒന്നും രണ്ടും സ്ഥാനത്തുള്ളവർ കലാശപ്പോരിൽ പരസ്പരം ഏറ്റുമുട്ടിയത്.
content highlights: argentina-number-one-ranking-curse-world-cup-2026-defeat
