LIVE TV
കഴിഞ്ഞ ദിവസം മുംബൈ ഇന്ത്യൻസിനെതിരെ 73 റൺസ് അടിച്ചുകൂട്ടി നേടിയ വിജയത്തിന് പിന്നാലെ പരിക്കിന്റെ പാട് തന്റെ സമൂഹമാധ്യമത്തിലൂടെ ഷെയർ ചെയ്ത് റോയൽ ചലഞ്ചേഴ്സ് ബെംഗളൂരു ഓൾറൗണ്ടർ ക്രുണാൽ പാണ്ഡ്യ. റായ്പൂർ പിച്ചിൽ 167 റൺസ് വിജയലക്ഷ്യം പിന്തുടർന്ന ബറോഡ ഓൾറൗണ്ടറുടെ ക്രിക്കറ്റ് കരിയറിലെ ഏറ്റവും മികച്ച ഇന്നിംഗ്സായിരുന്നു അത്. 46 പന്തിൽ നാല് ബൗണ്ടറികളും അഞ്ച് സിക്സറുകളും ഉൾപ്പെടെ 73 റൺസ് നേടിയ അദ്ദേഹം, വയറിനേറ്റ പരിക്കുമൂലമുണ്ടായ കഠിനമായ വേദനയുമായി ആയിരുന്നു പോരാടിയത്. പരിക്കിന്റെ ആഘാതം മത്സരത്തിന് ശേഷം, 'Some scars are proof that it was worth fighting for' എന്ന അടികുറിപ്പോടെ ക്രുണാൽ തന്റെ ഇൻസ്റ്റാഗ്രാമിൽ പങ്കുവച്ചു.
മത്സരത്തിൽ ടോസ് നേടിയ ബെംഗളൂരു ആദ്യം ബൗൾ ചെയ്യാനാണ് തീരുമാനിച്ചത്. ഭുവനേശ്വർ കുമാറിന്റെ മികവിന്റെ ബലത്തിൽ മുംബൈ 28/3 എന്ന നിലയിൽ എത്തിയപ്പോൾ ആ തീരുമാനം ഫലം കണ്ടു. എന്നിരുന്നാലും, നമൻ ധീർ 32 പന്തിൽ അഞ്ച് ഫോറുകളും രണ്ട് സിക്സറുകളും അടക്കം 47 റൺസും, തിലക് വർമ്മ 42 പന്തിൽ മൂന്ന് ഫോറുകളും രണ്ട് സിക്സറുകളും അടക്കം 57 റൺസും നേടി 82 റൺസിന്റെ കൂട്ടുകെട്ടോടെ ഇന്നിംഗ്സ് കെട്ടിപ്പടുത്തു. ആർസിബിയുടെ ബൗളർമാരിൽ ഭുവനേശ്വർ മികച്ച പ്രകടനം കാഴ്ചവച്ചു, ജോഷ് ഹേസൽവുഡ്, റൊമാരിയോ ഷെപ്പേർഡ് എന്നിവരും മികവോടെ ഓവറുകളിൽ പന്ത് എറിഞ്ഞു.
ഏഴ് വിജയങ്ങളും നാല് തോൽവികളുമായി നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബെംഗളൂരു 14 പോയിന്റുമായി പോയിന്റ് പട്ടികയുടെ തലപ്പത്താണ്. മൂന്ന് വിജയങ്ങളും എട്ട് തോൽവികളുമായി മുംബൈ ഒമ്പതാം സ്ഥാനത്തും.
Content highlight: 'Some scars are proof that it was worth fighting for', viral Krunal Pandya story
