Get the latest news at
your fingertips!
Download our app now
LIVE TV
Search
ടി-20 ലോകകപ്പില് ഇറ്റലിക്കെതിരെ സ്കോട്ട്ലാന്ഡിന് മികച്ച ജയം. 73 റണ്സിനാണ് സ്കോട്ട്ലാന്ഡിന്റെ വിജയം. ആദ്യം ബാറ്റ് ചെയ്ത സ്കോട്ട്ലാന്ഡ് ഉയര്ത്തിയ 208 റണ്സ് പിന്തുടര്ന്ന ഇറ്റലി 134 റണ്സിന് എല്ലാവരും പുറത്തായി. 52 റണ്സുമായി ബെന് മനെറ്റിയും 37 റണ്സുമായി ഹാരി മനേറ്റിയും ഇറ്റലിക്കായി പൊരുതിയെങ്കിലും കാര്യമുണ്ടായില്ല. നാല് വിക്കറ്റ് വീഴ്ത്തിയ മൈക്കിള് ലീസ്കാണ് ഇറ്റലിയുടെ നടുവൊടിച്ചത്.
അഞ്ച് പന്തില് 22 റണ്സ് നേടിയ ലീസ്ക് തന്നെയാണ് കളിയിലെ താരമായതും. നേരത്തെ ആദ്യം ബാറ്റ് ചെയ്ത സ്കോട്ട്ലാന്ഡിനായി ഓപ്പണിങ് ബാറ്റര് ജോര്ജ് മുന്സെ 84 റണ്സ് നേടി. സഹ ഓപ്പണര് മൈക്കല് ജോണ്സ് 37 റണ്സും, മൂന്നാം നമ്പര് ബാറ്റര് ബ്രാണ്ടണ് മക്മല്ലന് 41 റണ്സും സ്വന്തമാക്കി. അവസാന ഓവറില് കത്തിക്കയറിയ ലീസ്ക് രണ്ട് ഫോറും രണ്ട് സിക്സറുമടിച്ചാണ് അഞ്ച് പന്തില് 22 റണ്സ് നേടിയത്.
ഇറ്റലിക്കായി അലി ഹസന് 21 റണ്സ് വഴങ്ങി ഒരു വിക്കറ്റ് നേടി മറ്റ് ബാളര്മാര്ക്കൊന്നും കാര്യമായ പ്രകടനം കാഴ്ചവെക്കാന് സാധിച്ചില്ല.
Content Highlights- Scotland win against Italy in Icc T20 wc
