Get the latest news at
your fingertips!
Download our app now
LIVE TV
Search
ആഭ്യന്തര ക്രിക്കറ്റിൽ വീണ്ടും വെടിക്കെട്ട് പ്രകടനം തുടർന്ന് മലയാളി താരം ദേവ്ദത്ത് പടിക്കൽ. ഇന്ന് നടന്ന മുംബൈയ്ക്കെതിരെയുള്ള ക്വാർട്ടർ ഫൈനൽ മത്സരത്തിൽ പടിക്കൽ 81 റൺസ് നേടി. 95 പന്തിൽ 11 ഫോറുകൾ അടക്കമായിരുന്നു പടിക്കലിന്റെ ഇന്നിങ്സ്.
ഈ സീസണിൽ കഴിഞ്ഞ എട്ട് മത്സരങ്ങളിൽ നിന്ന് താരത്തിന്റെ ആറാം 50 + സ്കോറാണിത്. നാല് സെഞ്ച്വറിയും നേടിയ താരം ഇതിനകം തന്നെ ടൂർണമെന്റിൽ 721 റൺസ് പിന്നിട്ടു. ഇതോടെ ഒന്നിലധികം വിജയ് ഹസാരെ ട്രോഫി സീസണുകളിൽ 700 റൺസ് നേടുന്ന ആദ്യ ബാറ്റ്സ്മാനായി ദേവ്ദത്ത് പടിക്കൽ മാറി.
മായങ്ക് അഗർവാൾ, പൃഥ്വി ഷാ, പടിക്കൽ, നാരായൺ ജഗദീശൻ, കരുൺ നായർ എന്നീ അഞ്ച് ബാറ്റ്സ്മാൻമാർക്ക് മാത്രമേ വിജയ് ഹസാരെ ട്രോഫിയുടെ ഒരു പതിപ്പിൽ 700 ൽ കൂടുതൽ റൺസ് നേടാൻ കഴിഞ്ഞുള്ളൂ, രണ്ട് തവണ നേടിയവരായി പടിക്കൽ മാത്രമേ ഒള്ളൂ.
രണ്ട് വീതം ടെസ്റ്റിലും ട്വന്റി20യിലും ഇന്ത്യയ്ക്കായി കളിച്ചിട്ടുണ്ടെങ്കിലും ഇതുവരെ ഏകദിനത്തില് അരങ്ങേറ്റം കുറിക്കാൻ പടിക്കലിനായിട്ടില്ല. ന്യൂസീലന്ഡിനെതിരായ പരമ്പരയിൽ ഇടമുണ്ടാകുമെന്ന് പ്രതീക്ഷിച്ചെങ്കിലും മിന്നും ഫോം ബി സി സി ഐ കണ്ടതായി ഭാവിച്ചില്ല. ഏതായാലും ഈ ഫോം തുടർന്നാൽ ഏറെ കാലം കണ്ടില്ലെന്ന് നടിക്കാൻ ബി സി സി ഐ ക്കാവില്ല. കാത്തിരിക്കാം പടിക്കലിന്റെ ദേശീയ ടീമിലേക്കുള്ള റീ എൻട്രിക്കായി.
Content Highlights:Devdutt Padikkal Creates History, Becomes 1st Batter To achieve this record in vijay hazare trophy
