LIVE TV
ഇന്ത്യയുമായുള്ള മത്സരത്തിന് പിന്നാലെ അന്താരാഷ്ട്ര ക്രിക്കറ്റ് കൗൺസിലുമായി പാകിസ്താൻ ക്രിക്കറ്റ് ബോർഡ് ഉടക്കിയിരുന്നു. ടൂർണമെന്റ് പാനലിൽ നിന്നും മാച്ച് റഫറി ആൻഡി പൈക്രോഫ്റ്റിനെ നീക്കം ചെയ്തില്ലെങ്കിൽ ഏഷ്യാ കപ്പിലെ ശേഷിക്കുന്ന മത്സരങ്ങളിൽ നിന്ന് പാകിസ്താൻ പിന്മാറുമെന്ന് പിസിബി ചെയർമാൻ മൊഹ്സിൻ നഖ്വി മുന്നറിയിപ്പ് നൽകിയിരുന്നു.
ഇന്ത്യയും പാകിസ്താനും തമ്മിലുള്ള പോരാട്ടത്തിൽ ഹസ്തദാനം ചെയ്യാതെ ടീം ഇന്ത്യ മടങ്ങിയതുമായി ബന്ധപ്പെട്ടുണ്ടായ വിവാദത്തിന് പിന്നാലെയാണ് ഈ സംഭവ വികാസങ്ങൾ. ഇന്നലെ ടോസ് സമയത്ത് പാകിസ്താൻ ക്യാപ്റ്റൻ സൽമാൻ അലി ആഘയും ഇന്ത്യൻ ക്യാപ്റ്റൻ സൂര്യകുമാർ യാദവും പതിവ് ഹസ്തദാനം ഒഴിവാക്കിയിരുന്നു.
മത്സരത്തിന്റെ ടോസ് സമയത്ത് പാകിസ്താൻ നായകനോട് ഇന്ത്യൻ നായകന് ഹസ്തദാനം നൽകരുതെന്ന് മാച്ച് റഫറി ആൻഡി പൈക്രോഫ്റ്റ് പറഞ്ഞിരുന്നു. ഇതിനെതിരെയാണ് മാച്ച് റഫറിയെ ഒഴിവാക്കണമെന്ന് പിസിബി ആവശ്യപ്പെട്ടത്. ഒഴിവാക്കിയില്ലെങ്കിൽ ഏഷ്യാ കപ്പിൽ നിന്നും പിൻമാറുമെന്നും അവർ അറിയിച്ചു. എന്നാൽ റഫറി തെറ്റുകാരനല്ലെന്ന് ഐസിസി അറിയിച്ചു. ഇതിന് പിന്നാലെ യുഎഇക്കെതിരെയുള്ള അടുത്ത മത്സരത്തിൽ കളിക്കില്ലെന്നാണ് പാകിസ്താൻ വെല്ലുവിളിക്കുന്നതെന്നാണ് റിപ്പോർട്ടുകൾ. എന്നാൽ അങ്ങനെ ഈ മത്സരം റദ്ദാക്കിയാണ് നഷ്ടം പാകിസ്താൻ ക്രിക്കറ്റിന് മാത്രമാണ്.
യുഎഇക്കെതിരെയുള്ള മത്സരത്തിൽ നിന്നും മാറി നിന്നാൽ പാകിസ്താനാണ് നഷ്ടങ്ങൾ. യുഎഇക്കെതിരെയുള്ള മത്സരത്തിൽ നിന്നും ഒഴിവായാൽ പാകിസ്താൻ ടൂർണമെന്റിൽ നിന്നും പുറത്താകും. പാകിസ്താൻ കളിക്കാൻ ഗ്രൗണ്ടിൽ എത്തിയില്ലെങ്കിൽ അത് വാക്കോവറായി പരിഗണിക്കുകയും യുഎഇ ജയിക്കുകയും ചെയ്യും.
ഇതോടെ ഒമാനെതിരെയുള്ള ജയത്തിലൂടെ നേടിയ രണ്ട് പോയിന്റ് മാത്രമായി പാകിസ്താൻ സൂപ്പർ ഫോർ കടക്കാതെ ഏഷ്യാ കപ്പ് ഗ്രൂപ്പ് സ്റ്റേജിൽ തന്നെ പുറത്താകും. ഒമാനെതിരെ വിജയിച്ച യുഎഇ പാകിസ്താനെതിരെ നേടുന്ന വാക്കോവറിലൂടെ രണ്ട് പോയിന്റ് കൂടി ലഭിക്കും. ഇതിലൂടെ ഇന്ത്യയും യുഎഇയുമായിരിക്കും ഗ്രൂപ്പ് എയിൽ നിന്നും സൂപ്പർ ഫോറിൽ കളിക്കുക. കളിച്ച രണ്ട് മത്സരത്തിലും വിജയിച്ച് ഇന്ത്യ ഇപ്പോൾ തന്നെ സൂപ്പർ ഫോറിൽ സ്ഥാനം ഉറപ്പിച്ചിട്ടുണ്ട്.
Content Highlights- What Happens If Pakistan Boycotts Match Against Pakistan
