LIVE TV
ഐപിഎല്ലിൽ രാജസ്ഥാൻ റോയൽസിനെതിരെ നിർണായക മത്സരത്തിൽ കൊൽക്കത്തയ്ക്ക് 206 റൺസിന്റെ ടോട്ടൽ. ടോസ് നേടി ബാറ്റിങ് തിരഞ്ഞെടുക്കുകയായിരുന്നു കൊൽക്കത്ത. കൊൽക്കത്തയ്ക്ക് വേണ്ടി ആന്ദ്രേ റസൽ അർധ സെഞ്ച്വറി നേടി. 25 പന്തിൽ 57 റൺസാണ് റസൽ നേടിയത്.രഘുവൻഷി 31 പന്തിൽ അഞ്ചുഫോറുകൾ അടക്കം 44 റൺസ് നേടി പുറത്തായി. 25 പന്തിൽ 35 റൺസ് നേടി റഹ്മാനുള്ള ഗുർബാസും 30 റൺസ് നേടി അജിങ്ക്യാ രഹാനെയും ഭേദപ്പെട്ട പ്രകടനം നടത്തി.
രാജസ്ഥാന് വണ്ടി ആർച്ചർ, തീക്ഷണ, യുദ്ധവീർ, റിയാൻ പരാഗ് എന്നിവർ ഓരോ വിക്കറ്റ് നേടി. കഴിഞ്ഞ മത്സരം ജയിച്ച ടീമില്‍ രണ്ട് മാറ്റങ്ങളുമായാണ് കൊല്‍ക്കത്ത ഇന്നിറങ്ങിയത്. മൊയീന്‍ അലിയും രമണ്‍ദീപ് സിംഗും കൊല്‍ക്കത്തയുടെ പ്ലേയിംഗ് ഇലവനില്‍ തിരിച്ചെത്തി. കഴിഞ്ഞ മത്സരം തോറ്റ ടീമില്‍ മൂന്ന് മാറ്റങ്ങളോടെയാണ് രാജസ്ഥാന് കൊല്‍ക്കത്തക്കെതിരെ ഇറങ്ങുന്നത്. നേരിയ പരിക്കുള്ള നിതീഷ് റാണ പുറത്തായപ്പോള്‍ കുമാര്‍ കാര്‍ത്തികേയക്ക് പകരം വാനിന്ദു ഹസരങ്ക പ്ലേയിംഗ് ഇലവനിലെത്തി. കുനാല്‍ റാത്തോറും യുദ്ധവീര്‍ സിംഗും ഇന്ന് രാജസ്ഥാന്‍റെ പ്ലേയിംഗ് ഇലവനില്‍ ഇടം നേടി.
Content Highlights: rajasthan royals vs kolkata knight riders
