ക്വാലംപൂർ: മലേഷ്യൻ ഓപ്പൺ ബാഡ്മിന്റണിൽ സ്വാതിക് സായിരാജ് റെങ്കിറെഡ്ഡി-ചിരാഗ് ഷെട്ടി സഖ്യത്തിന് വിജയം. ഫ്രാൻസിന്റെ റോണൻ ലാബാർ-ലൂക്കാസ് കോർവി സഖ്യത്തെയാണ് ഇന്ത്യൻ സംഘം പരാജയപ്പെടുത്തിയത്. നേരിട്ടുള്ള ഗെയിമുകൾക്കാണ് ഇന്ത്യൻ സംഘത്തിന്റെ വിജയം. സ്കോർ 21-11, 21-18.
ആദ്യ ഗെയിമിന്റെ തുടക്കത്തിൽ ഇന്ത്യൻ സഖ്യം തകർപ്പൻ മുന്നേറ്റം നടത്തി. ഒരു ഘട്ടത്തിൽ 10-1ന് ലീഡ് ചെയ്തു. എന്നാൽ പിന്നീട് ഫ്രഞ്ച് സംഘം തിരിച്ചുവന്നു. ഇന്ത്യൻ സഖ്യം 14 പോയിന്റിൽ എത്തിയപ്പോൾ ഫ്രഞ്ച് ടീം 11 പോയിന്റിലെത്തി. എന്നാൽ പിന്നീട് സ്വാതികും ചിരാഗും ശ്രദ്ധയോടെ കളിച്ചു. ഇതോടെ 21-11ന് ആദ്യ ഗെയിം ഇന്ത്യൻ സംഘം പി‌ടിച്ചെടുത്തു.
രണ്ടാം ഗെയിമിൽ പോരാട്ടം കടുത്തു. ഇത്തവണ ഫ്രഞ്ച് സംഘമാണ് മുന്നേറിയത്. ഒരു ഘട്ടത്തിൽ 4-11ന് ഫ്രഞ്ച് ടീം ലീഡ് ചെയ്തു. എന്നാൽ സ്വാതികിന്റെയും ചിരാഗിന്റെയും വാശിയേറിയ പോരാട്ടം മത്സരം ആവേശകരമാക്കി. ശക്തമായ തിരിച്ചുവരവിനൊടുവിൽ ഇന്ത്യൻ സഖ്യം സ്കോർ 16-16ന് തുല്യമാക്കി. ഒടുവിൽ 21-18ന് ഗെയിം പിടിച്ചെടുക്കുകയും ചെയ്തു.
