Get the latest news at
your fingertips!
Download our app now
LIVE TV
Search
കൊച്ചി: 'ഭ്രമയുഗം' സിനിമയിലെ മമ്മൂട്ടിയുടെ കഥാപാത്രത്തിന്റെ പേര് മാറ്റാന് തയ്യാറാണെന്ന് ചിത്രത്തിന്റെ നിര്മ്മാതാക്കള് കോടതിയില്. 'കൊടുമോൺ പോറ്റി' എന്നാണ് ഇപ്പോൾ നൽകിയിരിക്കുന്ന പുതിയ പേര്. ഈ വിഷയത്തിൽ നാളെ മറുപടി നൽകാൻ സെൻസർ ബോർഡിനോട് ജസ്റ്റിസ് ദേവൻ രാമചന്ദ്രന് നിർദേശിച്ചിട്ടുണ്ട്. കുഞ്ചമണ് പോറ്റി എന്ന പേരിനെ ചൊല്ലി കോട്ടയം ജില്ലയിലെ കുഞ്ചമണ് ഇല്ലം ഹര്ജി നല്കിയതിന് പിന്നാലെയാണ് നടപടി.
ഇന്ന് ചിത്രത്തിന്റെ പ്രസ്സ് മീറ്റ് കൊച്ചിയിൽ നടന്നിരുന്നു. പതിവുപോലെ മമ്മൂട്ടി ഇന്നും സൂപ്പർ ലുക്കിലാണ് മാധ്യമങ്ങളെ കാണാൻ എത്തിയത്. അബുദബിയിൽ ആയിരുന്നു ചിത്രത്തിന്റെ ട്രെയ്ലർ ലോഞ്ച് നടത്തിയത്. മികച്ച പ്രതികരണമാണ് ട്രെയിലറിന് ലഭിച്ചത്. പ്രീ ബുക്കിംഗ് ആരംഭിച്ച ചിത്രത്തിന് ഇതുവരെ 10000ലേറെ ടിക്കറ്റുകൾ വിറ്റു കഴിഞ്ഞതായി ഭ്രമയുഗത്തിന്റെ ഔദ്യോഗിക പേജ് വഴി അറിയിച്ചിട്ടുണ്ട്. ബുക്കിംഗ് ആരംഭിച്ച് ഏതാനും മണിക്കൂറിനുള്ളിലാണ് പതിനായിരത്തോളം ടിക്കറ്റുകൾ വിറ്റുപോയത്.
റിലീസിന് മുൻപും മമ്മൂക്ക പവർ; റെക്കോർഡ് തുടക്കമിട്ട് 'ഭ്രമയുഗം' പ്രീ- സെയിൽഫെബ്രുവരി 15നാണ് ചിത്രം ലോകമെമ്പാടും റിലീസ് ചെയ്യുന്നത്. ഭ്രമയുഗം 22ലധികം രാജ്യങ്ങളിലാണ് റിലീസ് ചെയ്യുന്നതെന്ന് അണിയറപ്രവർത്തകർ സമൂഹ മാധ്യമങ്ങളിലൂടെ അറിയിച്ചിരുന്നു. രാഹുൽ സദാശിവൻ സംവിധാനം ചെയ്യുന്ന ചിത്രത്തിന്റെ സംഭാഷണ രചന നിർവഹിച്ചിരിക്കുന്നത് ടി ഡി രാമകൃഷ്ണനാണ്. അര്ജുന് അശോകനും സിദ്ധാര്ത്ഥ് ഭരതനുമാണ് പ്രധാന വേഷങ്ങൾ കൈകാര്യം ചെയ്യുന്നത്.
