LIVE TV
കലണ്ടറിലെ വെറുമൊരു തീയതി മാറ്റത്തിനപ്പുറം, അതിശയിപ്പിക്കുന്ന ഒരു സംഖ്യാശാസ്ത്ര പൊരുത്തവുമായാണ് 2026 കടന്നുവരുന്നത്. ഈ വര്ഷത്തിലെ ആദ്യ ദിവസത്തെ 1-1-1 എന്ന് എഴുതാനാകും. മാസം: ജനുവരി (1), ദിവസം: ഒന്നാം തീയതി (1) എന്നത് എല്ലാവര്ക്കും അറിയാം. എന്നാല് 2026 എന്ന വര്ഷം എങ്ങനെയാണ് 1 ആയി മാറുന്നത് എന്നറിയാമോ?… സംഖ്യാശാസ്ത്ര പ്രകാരം വര്ഷത്തിലെ അക്കങ്ങള് കൂട്ടി ഒറ്റ സംഖ്യയാക്കുമ്പോള് 2026 എന്നത് '1' ആയി മാറുന്നു (2 + 0 + 2 + 6 = 10, 1 + 0 = 1). അങ്ങനെ 2026 ജനുവരി ഒന്ന്, 1-1-1 ആയി മാറുന്നു.
സംഖ്യാശാസ്ത്രവിശ്വാസങ്ങൾ പ്രകാരം, ‘1’ എന്ന സംഖ്യ പുതിയ തുടക്കങ്ങൾ, നേതൃത്വം, ആത്മവിശ്വാസം, സ്വതന്ത്ര ചിന്ത, പുതുമ തുടങ്ങിയവയുടെ പ്രതീകമാണ്. ഈ സംഖ്യ മൂന്നു തവണ ഒരുമിച്ച് പ്രത്യക്ഷപ്പെടുന്നത്, ഒരു ശക്തമായ തുടക്കത്തിനുള്ള ഊർജ്ജം സൃഷ്ടിക്കുന്നു എന്നാണ് വിശ്വാസം. അതുകൊണ്ടുതന്നെ, 2026 ജനുവരി ഒന്നിനെ പലരും ജീവിതത്തിലെ പുതിയ തീരുമാനങ്ങൾ എടുക്കാനും ലക്ഷ്യങ്ങൾ നിശ്ചയിക്കാനും ഏറ്റവും അനുയോജ്യമായ ദിനം എന്ന നിലയിലാണ് കാണുന്നത്. അതേസമയം, സംഖ്യാശാസ്ത്രം ഒരു വിശ്വാസരീതിയാണെന്നും, ജീവിതത്തിലെ തീരുമാനങ്ങൾ എടുക്കുമ്പോൾ യാഥാർത്ഥ്യബോധവും പ്രായോഗിക ചിന്തയും അത്രതന്നെ പ്രധാനമാണെന്നും വിദഗ്ധർ ഓർമ്മിപ്പിക്കുന്നു.
‘ട്രിപ്പിൾ വൺ’ ദിനം മറ്റൊരു കാരണത്താലും പ്രാധാന്യമേറുന്നു. സംഖ്യാശാസ്ത്രത്തിലെ ഒൻപത് വർഷ ചക്രത്തിന്റെ തുടക്കത്തെയാണ് ഇത് സൂചിപ്പിക്കുന്നത്. ഓരോ ഒൻപത് വർഷത്തിലും ഒരിക്കൽ മാത്രമാണ് ഇത്തരമൊരു ശക്തമായ ആരംഭ സംഖ്യ ഉണ്ടാകുന്നത്. ഇതിന് മുമ്പ് ഈ പ്രതിഭാസം അനുഭവപ്പെട്ടത് 2017-ലാണ്. ഇനി ഈ പാറ്റേൺ വീണ്ടും ആവർത്തിക്കണമെങ്കിൽ 2035 വരെ കാത്തിരിക്കേണ്ടിവരും.
Content Highlights: for the first time in nine years, january 1, 2026 will fall on 1/1/1
