നോയിഡ: സ്കൂട്ടറിൽ ഇരുന്ന് 'റൊമാൻറിക്ക്' വീഡിയോയിലൂടെ ഹോളി ആഘോഷിച്ച പൊൺകുട്ടികൾക്ക് പിഴ ചുമത്തി നോയിഡ പൊലീസ്. റോഡ് നിയമം ലംഘിച്ചതിന് 33,000 രൂപയാണ് പിഴയായി ചുമത്തിയത്.
പെൺകുട്ടികളുടെ വീഡിയോ വളരെ പെട്ടെന്നാണ് സാമൂഹ്യ മാധ്യമത്തിൽ പ്രചരിച്ചത്. വീഡിയോ പ്രചരിച്ചത്തോടെ പെൺകുട്ടികൾക്കെതിരെ നിരവധി വിമർശനങ്ങൾ ഉയർന്നിരുന്നു. വീഡിയോയിലെ രംഗങ്ങൾ അശ്ശീല ചുവയോടെയുള്ളതാണെന്ന് പരക്കെ ആരോപണം ഉയരുന്നുണ്ട്. അപകടകരമായ രീതിയിൽ സ്കൂട്ടറിൽ കയറി നിന്ന് പോവുന്നതും പിന്നീട് സ്കൂട്ടറിൽ നിന്ന് വീഴുന്നതും വീഡിയോയിൽ കാണാം.
ഹെൽമറ്റ് ധരിക്കാത്തതിനും മൂന്ന് പേർ സഞ്ചരിച്ചതിനുമാണ് ട്രാഫിക്ക് നിയമം ലംഘിച്ചതിൻ്റെ പേരിൽ 33,000 രൂപ പിഴ ചുമത്തിയത്. സമാന രീതിയിലുള്ള വീഡിയോ കഴിഞ്ഞ ദിവസം ഡൽഹി മെട്രോ പരിസരത്ത് നിന്നും വ്യാപകമായി പ്രചരിച്ചിരുന്നു.
