പൊലീസ് അക്കാദമിയിൽ കൂട്ട കൊവിഡ് വ്യാപനം; ഒരേ സമയം 30 പേർക്ക് കൊവിഡ്

തൃശൂർ: പൊലീസ് അക്കാദമിയിൽ കൂട്ട കൊവിഡ് വ്യാപനം. രാമവർമപുരം അക്കാദമിയിൽ നടക്കുന്ന വനിതാ ബറ്റാലിയൻറെയും മോട്ടോർ വെഹിക്കിൾ ഇൻസ്പെക്ടർമാരുടെയും പരീശലനത്തിൽ 30 പേർക്ക് കോവിഡ് സ്ഥിരീകരിച്ചു.

രോ​ഗവ്യാപനത്തെ തുടർന്ന് അക്കാദമിയെ ക്ളസ്റ്ററായി പ്രഖ്യാപിച്ചു. ഇതേതുടർന്ന് അക്കാദമിയിൽ നടക്കുന്ന പരിശീലന പരിപാടികൾ ഒരാഴ്ചത്തേക്ക് നിർത്തിവെച്ചതായി അധികൃതർ അറിയിച്ചു.

സംസ്ഥാനത്ത് കൊവിഡ് രോ​ഗവ്യാപന തോത് വർധിച്ചു വരികയാണ്. തുടരെ മൂന്നാം ദിവസവും കൊവിഡ് രോഗികൾ ആയിരം കടന്നിരിക്കുന്നു. ഇന്ന് 1,278 പേർക്കാണ് കൊവിഡ്. 24 മണിക്കൂറിനിടെ ഒരു കൊവിഡ് മരണവും സ്ഥിരീകരിച്ചു.

STORY HIGHLIGHTS: Massive covid expansion at police academy; covid for 30 people at a time