Top

'ജയിക്കാനായി തോറ്റവര്‍ക്കൊപ്പം'; എസ്എസ്എല്‍സി പരീക്ഷയില്‍ തോറ്റവർക്ക് വിനോദയാത്രയുമായി പഞ്ചായത്ത്

17 Jun 2022 7:54 AM GMT
റിപ്പോർട്ടർ നെറ്റ്‌വർക്ക്

ജയിക്കാനായി തോറ്റവര്‍ക്കൊപ്പം; എസ്എസ്എല്‍സി പരീക്ഷയില്‍ തോറ്റവർക്ക് വിനോദയാത്രയുമായി  പഞ്ചായത്ത്
X

മലപ്പുറം: പരീക്ഷയിലെ തോല്‍വി ജീവിതത്തിന്റെ അവസാനമല്ല. മനസിനെ ശാന്തമാക്കി വീണ്ടും പരിശ്രമിക്കലാണ് തോല്‍വിയില്‍ നിന്ന് ജയത്തിലേക്ക് എത്താനുള്ള മാര്‍ഗം. എന്നാല്‍ തോല്‍വി വലിയ മാനസിക പിരിമുറുക്കമാണ് കുട്ടികളിലും ഉണ്ടാക്കുന്നത്. ഇത്തരം മാനസിക പിരിമുറുക്കത്തെ കുറയ്ക്കാന്‍ വേറിട്ട പദ്ധതി അവതരിപ്പിച്ചിരിക്കുകയാണ് വളാഞ്ചേരിക്കടുത്തുള്ള മാറാക്കര പഞ്ചായത്ത്.

എസ്എസ്എല്‍സി പരീക്ഷയില്‍ തോറ്റ വിദ്യാര്‍ത്ഥികളുടെ നിരാശയകറ്റാനായി വിനോദ യാത്ര സംഘടിപ്പിക്കുകയാണ് ഈ പഞ്ചായത്ത്. 'ജയിക്കാനായി തോറ്റവര്‍ക്കൊപ്പം' എന്നാണ് പദ്ധതിക്ക് നല്‍കിയിരിക്കുന്ന പേര്. വിദ്യാര്‍ത്ഥികള്‍ക്കായി ഒരു ദിവസത്തെ യാത്രയാണ് സംഘടിപ്പിക്കുന്നത്. വെങ്ങാടുള്ള വാട്ടര്‍ തീം പാര്‍ക്കിലേക്കാണ് യാത്ര. തുടര്‍ന്ന് മനഃശാസ്ത്രജ്ഞരുടെ നേതൃത്വത്തില്‍ കൗണ്‍സലിങ്ങും നല്‍കും. നിരാശാബോധം കുറയ്ക്കാന്‍ പ്രത്യേക ഗെയിമുകളും സംഘടിപ്പിക്കുമെന്നും പഞ്ചായത്ത് അറിയിച്ചു.

ഈ ആഴ്ച തന്നെ യാത്ര സംഘടിപ്പിക്കുമെന്ന് അധികൃതര്‍ വ്യക്തമാക്കി. കുട്ടികള്‍ വിവര ശേഖരണം വാര്‍ഡ് അംഗങ്ങള്‍ നടത്തും. 20 വാര്‍ഡുകളാണ് പഞ്ചായത്തിലുള്ളത്. മാറാക്കര പഞ്ചായത്തിലുള്ളവര്‍ക്ക് മാത്രമാണ് അവസരം.

STORY HIGHLIGHTS: Marakkara Panchayat will organize a tour to reduce the mental stress of the losers in the SSLC

Next Story