കൽപ്പറ്റ: പനമരത്ത് റിപ്പോർട്ടർ ടിവി വാർത്ത സംഘത്തെ ആക്രമിച്ചതിൽ അഞ്ചു പേർ അറസ്റ്റിൽ. സാദിഖ് ബനാത്ത്കണ്ടി, കെ ടി നൗഫൽ, നൗഷാദ് പുളിയന്തട, റിയാസ് തിരുവാൾ, ഫൈസൽ വാഴയിൽ എന്നിവരാണ് അറസ്റ്റിലായത്. പനമരം സിഐ സിജിത്തും സംഘവുമാണ് പ്രതികളെ അറസ്റ്റ് ചെയ്തത്. പ്രതികളെ നാളെ കോടതിയിൽ ഹാജരാക്കും.
നാലു പേരെ നേരത്തെ കസ്റ്റഡിയിലെടുത്തിരുന്നു. ചെറുപുഴ പാലത്തിന് സമീപം തണ്ണീര്ത്തടം നികത്തിയ ദൃശ്യങ്ങള് പകര്ത്തുമ്പോള് ആയിരുന്നു ആക്രമണം. സംഘം റിപ്പോർട്ടറേയും ക്യാമറാമാനെയും തടഞ്ഞു നിര്ത്തി മര്ദ്ദിക്കുകയായിരുന്നു. ആക്രമണത്തിൽ റിപ്പോര്ട്ടര് ദീപക് മോഹന്, ക്യാമറമാന് അബു താഹിര്, ഡ്രൈവര് മുജീബ് എന്നിവര്ക്ക് പരിക്കേറ്റു. മൂവരും പനമരം സര്ക്കാര് ആശുപത്രിയില് ചികിത്സ തേടി.